भांगरभूंय | प्रतिनिधी
पुणे, खबरां संस्था ः पुण्यांतल्या बावधन बुद्रुक वाठारांत हेलिकॉप्टर कोसळ्ळें. ह्या अपघातांत तीग जाणांक मरण आयलां. धुक्याक लागून हेलिकॉप्टर कोसळिल्ल्याचो अदमास आसा. सध्या पुणे पुलीस घडणुक सुवातेर पावल्यात आनी बचाव कार्य सुरु आसा.
नेमकें कितें घडलें?
पुण्यांतल्या ऑक्सफर्ड काउंटी रिसॉर्टाच्या हेलीपॅडा वयल्यान सकाळीं 7:30 वरांचेर ह्या हेलिकॉप्टरान उड्डाण केले. उपरांत फकत १० मिनटांतच १.५ किमी अंतराचेर हो अपघात जालो. ऑक्सफर्ड काउंटी रिसॉर्ट आनी केंद्र सरकाराची संस्था एचईएमआरएल हांचे मदल्या दोंगराळ वाठारांत हेलिकॉप्टराक अपघात जालो. ह्या हेलिकॉप्टराचें नांव ऑगस्टा १०९ आसून तें हेरिटेज एव्हिएशन कंपनीचें आशिल्लें. ह्या हेलिकॉप्टरांत कॅप्टन पिल्लय, कॅप्टन परमजीत सिंग अशे दोन पायलट आनी प्रीतम भारद्वाज हो अभियंतो प्रवास करताले. तांकां तिगांकूय ह्या अपघातात मरण आयलें.
मजगतीं, पुण्यांत 40 दिसांत हेलिकॉप्टर अपघाताची ही दुसरी घडणूक. हाचे आदीं 24 ऑगस्टाक पुण्यांतल्या पौड वाठारांत हेलिकॉप्टर अपघात जाल्लो. तें हेलिकॉप्टर मुंबय सावन हैदराबादाक वचपाचें आशिल्लें. तातूंत पायलट आनी तीन प्रवासी आशिल्ले. त्या अपघातांत पायलट जखमी जाल्लो. जाल्यार उरिल्ल्या तिगांक किरकोळ जखम जाल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
