भांगरभूंय | प्रतिनिधी
काणकोण: काणकोण नगरपालिकेचे उपनगराध्यक्ष म्हूण राजबाग तारीर प्रभागाचे नगरसेवक गंधेश मडगांवकार हांची बिनविरोध निवड जाली. ह्या पदा खातीर आनीक कोणेच अर्ज भरूंक नाशिल्ल्यान ते बिनविरोध वेंचून आयले. तांच्या नांवाची घोशणा काल (मंगळारा) केली.
तांकां शुभेत्सा दिवपा खातीर तांचे बरे मागपी व्हड संख्येन पालिका कचेरेंत हाजीर आशिल्ले.
ह्या वेळार पत्रकारां कडेन उलयतना मडगांवकार हांणी सांगलें, पालिका वेंचणुके उपरांत सत्ताधारी गटांतल्या नगरसेवकांक वांटणी नांवार नगराध्यक्ष आनी उपनगराध्यक्ष पद मेळचें अशें थारायिल्लें. ते प्रमाण आपल्याक तें फावो जालां. खूबशे फावटी केल्ल्यो कबलाती मोडटात. पूण आपल्या वांगडी नगरसेवकांनी आपलें उतर पाळिल्ल्यान आपल्याक उपनगराध्यक्षपदाचें कदेल मेळ्ळें.
आतां मेरेन पालिकेच्या फंडांतल्यान राजबाग प्रभागांत सुमार 40 लाख रुपया खर्च करून विकास कामां केल्यांत. तशेंच सभापतीच्या सहकार्यान ट्रान्सफॉर्मर बसयला. हेर चार कडेन गटारां बांदप अशीं कामां रोखडेच हातांत घेतले अशें मडगांवकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
