भांगरभूंय | प्रतिनिधी
मुंबय, खबरां संस्था ः बॉलिवूड अभिनेते गोविंदा हांणी चुकून ट्रिगर ओडिल्ल्यान तांच्या स्वताच्याच रिव्हॉल्वरांतल्यान गुळी सुटून पांयांक लागली. हांतूत ते जखमी जाले. उपरांत उपचारा खातीर तांकां अंधेरीच्या हॉस्पिटलांत व्हेले. सध्या तांची भलायकी बरी आसा.
मेळिल्ले म्हायती प्रमाण, मंगळारा सकाळीं 4.45 वरांचे सुमाराक ही घडणूक घडली. परवानो आशिल्लें रिव्हॉल्वर निवळ करतना चुकून ट्रिगर ओडिल्ल्यान तांच्या पांयांक गुळी लागली. आतां तांच्या पांयांतली गुळी काडल्या. सध्या गोविंदा आयसीयूंत आसात.
गोविंदाचे वेवस्थापक शशी सिन्हा हांणी निवेदन जारी करून गोविंदा कोलकाता वचपाक भायर सरतालें अशें सांगलें. तांची घरकान्न सुनीता कोलकाताक आसा. रिव्हॉल्वर आलमारींत दवरतना रिव्हॉल्वर तांच्या हातांतल्यान पडलें आनी गुळी पांयांक लागली.
उपरांत गोविंदानूच ताका फोन करून घडणुकेची म्हायती दिली अशें सिन्हा हांणी सांगलें. गोविंदाची धूव टीना सध्या तांचे वांगडा हॉस्पिटलांत आसा. फुडले दोन दीस तांकां हॉस्पिटलांत निरिक्षणा खाला दवरतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
