भांगरभूंय | प्रतिनिधी
पणजी ः फाटल्या सप्तकाचे तुळेंत सोमारा पणजे बाजारांत भाजयेचे दर परत वाडले. बाजारांत लसूणाचो दर आकारा प्रमाण 500 ते 600 रुपया किल आसा. टोमॅटोचे दर 10 रपयांनी वाडून 70 रुपया किल जाले. आलें 40 रुपयांनी वाडून 160 रुपया किल जाले. तशेंच शेवग्यांचे दर 40 रुपयांनी वाडून 160 रुपया किल जाले. फुडले कांय दीस भाजयेचे दर वाडिल्लेच उरपाची शक्यताय वेपाऱ्यांनी उक्तायल्या.
पणजे बाजारांत कांदे 60 ते 70 रुपया किल आशिल्ले. काराथ्याचो दर 20 रुपयांनी वाडून 80 रुपया जाल्यार गवार 20 रुपयांनी वाडून 80 रुपया दर किल जालो. दोडग्याचे दर 20 रपयांनी उणे जावन 80 रुपया किल जाले. एक मध्यम आकाराचें लिंबू 7 रुपया दरान विकतात. गाजर 80 रुपया किल आसा. काकडीचो दर 20 रुपयांनी उणो जावन 40 रुपया किल जालो. वालपापाडीचे दर 20 रपयांनी उणे जावन 120 रुपया किल जाले.
डब्बू मिरसांगेचो दर 20 रपयांनी उणो जावन 80 रुपया किल जालो. जाल्यार मिरसांगांचे दर 120 रुपया किल जाले. वांयंगे, गवार, दोडगे आनी भेंडे दरेकी 80 रुपया किल दरान विकताले. फाटल्या सप्तकाचे तुळेंत दुधी 10 रुपयांनी वाडून 40 रुपया किल जालो. कोबी 40 रुपया आनी फ्लॉवर 50 रुपया आशिल्लो.
बाजारांत पाले भाजयेचो दर फाटल्या सप्तका सारकेच आसा. मेथी 30 रुपया, शेपू 25 रुपया, तांबडी भाजी 15 रुपया, जाल्यार पालक आनी कांद्याचीं पात दर जोडयेक 10 रुपया दरान विकतात. फलोत्पादन मंडळाच्या गाड्यांर कांदो 53 रुपया, बटाट 42 रुपया, टोमॅटो 55 रुपया, वालपापाडी 70 रुपया, मिरसांग 38 रुपया, भेंडें 52 रु, गाजर 54 रु आनी कोबी 30 रुपया दर किल दरान विकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
