भांगरभूंय | प्रतिनिधी
पणजी ः सांतइस्तेव जुंव्याचेर आखाडो फेरी धक्यार ३१ ऑगस्टाक घडिल्ले घडणुकेंत एक मोटार सरळ न्हंयेंच्या उदकांत गेली. ह्या अपघातात बाशुदेव भंडारीची इश्टीण वाटावली. पूण गाडी चलोवपी बाशुदेव मात अजून मेळूंक ना. हे घडणुकेक सुमार एक म्हयनो जालो. मजगतीं, बाशुदेव भंडारीच्या इश्टणीची चवकशी सुरुच आसा.
मजगतीं, बाशुदेवाच्या गाडयेचो फाटलाव करपी निळ्या रंगाच्या सेडान मोटारींतल्या दोगांक पोरणें गोंय पुलिसांच्या एका पंगडान हुबळी वाठारांत अटक केली.
मेळिल्ले म्हायती प्रमाण, भारतीय नौदलाच्या पाणबुड्यां सयत आयज बाशुदेव भंडारीक सोदपाक परत सुरवात केल्या. तशेंच पुलीस ड्रोनाच्या मजतीनय सोद घेतात. हे घडणुकेक लागून जायते प्रस्न निर्माण जाल्यात. बाशुदेव भंडारी गेलो तरी खंय? कांय ताका उदकांत बुडून मरण आयलें. ताका पेंवपाक येतालें? मरण आयलें जाल्यार ताची कुड अजून कित्याक सांपडून ना? आयज परत ताचो सोद घेवपाक सुरवात केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
