भांगरभूंय | प्रतिनिधी
नवी दिल्ली, खबरां संस्था: दिल्लीच्या नांगलोई वाठारांत एक धक्को दिवपी घडणूक घडल्या. एक ड्रायव्हरान आपले गाडये सकयल पुलीस हवालदाराक चिडि्डल्ल्याची घडणूक मुखार आयल्या. हातूंत त्या हवालदाराक मरण आयलां. गाडी चलोवपी मनीस सोरो पुरवणदार आशिल्ल्याचें सांगतात आनी सध्या तो फरारी आसा. दिल्ली पुलीस दुबाविताचो सोद घेतात.
मेळिल्ले म्हायती प्रमाण, नांगलोई पुलीस स्टेशनाचेर तैनात आशिल्ल्या पुलीस हवालदार संदीप (३०) हाका चार चाकी गाडी बेकायदेशीरपणान येता अशी म्हायती मेळ्ळी. उपरांत ताणें ड्रायव्हराक ती बेकायदेशीपणान चलोवची न्हय अशें सांगलें. मात मदींच अचकीत ओव्हरटेक करपी गाडयेन आपली गती वाडयली आनी पुलीस हवालदार संदीपाक धपको दिलो. ताका १० मिटर मेरेन ओडून व्हेलो. ते उपरांत गाडयेन परतून फुडें उबी आशिल्ले दुसरे गाडयेक धपको दिलो.
हे घडणुके उपरांत रोखडोच पुलीस हवालदार संदीप हाका लागसारच्या हॉस्पिटलांत दाखल केलो. पूण ताची स्थिती गंभीर आशिल्ल्यान ताका दुसर्या हॉस्पिटलांत व्हेलो. पूण ते मेरेन ताका मरण आयिल्लें. मजगतीं, हे घडणुकेची सीसीटीव्ही फुटेज मेळ्ळ्या.
मजगतीं, दिल्ली पुलिसांनी ह्या प्रकरणांत गुन्यांव नोंद केला आनी दुबावीताचो सोद चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
