भांगरभूंय | प्रतिनिधी
-3 ते 5 ऑक्टोबर मेरेन दर दिसा सांजे 5 ते 8 मेरेनपणजीः भारत तिबेट सहकार मंचाच्या सहकारान हेल्पफुल ऑर्गनायझेशन फॉर लायकमाइंड इंडियन्स (होली) हांणी 3 ते 5 ऑक्टोबर मेरेन दर दिसा सांजवेळा 5 ते 8 मेरेन आझाद भवन, पर्वरी पयलेच खेपे हिंदींत संगीतात्मक श्रीमद् भागवत कथा सप्तक आयोजीत केल्या. आचार्य श्री विपिन कृष्ण महाराज ही कथा सांगतले. होळीचो अध्यक्ष के. के. चतुर्वेदी, सरचिटणीस सूरज नायक, सल्लागार डॉ. गोविंद काळे हांणी शुक्रारा पत्रकार परिशदेंत हे विशीं म्हायती दिली.
भागवत कथा म्हळ्यार ज्ञानयोग अशें चतुर्वेदी हांणी सांगलें. भागवत पुराण सगळ्यांक मोग, भक्ती आनी शांतीकायेचो मार्ग दाखोवपी भागवत पुराणविदेशांत लोकप्रीय आसा. संगीत नाटक भागवत कथा हिंदींत पयलेच खेपे गोंयांत माचयेर येतले. भागवत ग्रंथाचें खाशेलें सार्वत्रीक म्हत्व मतींत दवरून हे आयोजन हातांत घेतल्या. एके तरेन ही देश वाचोवपाची संद. ह्या संदर्भात भोपाळांतल्या कला केशव कला संस्थेच्या धा कलाकारांचो पारंपारीक आनी अद्वितीय गोंदवाना कलेचो आविश्कार पळोवंक मेळटलो अशें सूरज नायक हांणी सांगलें. गोंयांतली होली संस्था 2016 त स्थापन जाली वर्सुकीं राष्ट्र भक्तीपार हिंदी कवि संमेलन कार्यावळ खूब लोकप्रिय जाल्या. हाचे भायर भलायकी शिबिरां, रगतदान शिबिरां, योग शिबिरां, देशभक्तीचेर चित्रपट दाखोवप, झाडां रोवप अशे जायते उपक्रम ही संस्था आयोजीत करता. तातूंत दक्षीण आनी उत्तर भारतांतले अधिकारी आनी गोंयचे समान विचारांचे लोक आसतात.
डॉ. काळे हांणी सांगले, हांव ज्या देशांत जल्मल्लो त्या देशाक उपेगी पडना जाल्यार म्हजो जल्म व्यर्थ जाता. प्रेरणा दिवपी पुराण शास्त्रांत भागवताचें म्हत्व व्हड आसा. अशे ग्रंथ वाचूंक जाय, तांचे ध्यान करचे, चिंतन करचे.
संस्थेचे उपाध्यक्ष जे. के. सिंग, संयुक्त सचीव बी. एम. यादव हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
