भांगरभूंय | प्रतिनिधी
सोनीपत, खबरां संस्थाः हरियाणांतल्या सोनीपत शारांत बेकायदेशीर माराण कारखान्यांत भिरांकूळ उजो लागलो. ह्या उज्यांत 3 जाणांक मरण आयलां. जाल्यार ते भायर ह्या स्फोटांत स बायलां सयत सात जाण लासल्यात.
ह्या स्फोटाक लागून लागसारच्या घरांच्या वणटींक वेरो गेल्यात. माराण तयार करताले तें घरूय कोसळ्ळां. गॅस सिलिंडरांत गळटी जाल्ल्यान उजो लागून हो स्फोट जाल्ल्याचें कळटा. उजो लागले उपरांत तो रोखडोच पातळ्ळो आनी काम करपी कामगार भितर आडकून उरलें. उपरांत लोकांनी थंय काम करपी कामगारांक भायर काडले. जखमी जाल्ल्यांक उपचारा खातीर हॉस्पिटलांत व्हेल्यात.
घराचो धनी वेद प्रकाश हाका पुलिसांनी अटक केल्या. जखमीं मदीं ताची धुवूय आसा. थंय तपास करतना पुलिसांक कांय दुबावीत वस्तू मेळ्ळ्यात, तांचो तपास फॉरेंसिक पंगड करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
