भांगरभूंय | प्रतिनिधी
नवी दिल्ली, खबरां संस्था ः जिनिव्हा आदारीत संवसारीक बौद्धीक संपत्ती संघटनेच्या अहवाला प्रमाण ग्लोबल इनोव्हेशन इंडेक्स (GII) 2024 क्रमवारींत आस्पाव केल्ल्या वट्ट 133 देशांतल्यान भारतान 39 वो क्रमांक मेळयलां. फाटल्या वर्सा भारत ३९ व्या क्रमांकाचेर आशिल्लो. केंद्रीय मंत्री पीयूष गोयल हांणी ट्विट करून हें संबंदी म्हायती जाहीर केली.
विपोच्या ग्लोबल इनोव्हेशन इंडेक्स 2024 प्रमाण स्वित्झर्लंड, स्वीडन, युनायटेड स्टेट्स, सिंगापूर आनी युनायटेड किंगडम हीं संवसारांतलीं सगळ्यांत इनोव्हेटिव्ह अर्थवेवस्था आसा. जाल्यार चीन, तुर्किये, भारत, व्हिएतनाम आनी फिलीपीन्स ह्या देशांनी फाटल्या 10 वर्सांत सगळ्या मळार उत्कृश्ठ कामगिरी केल्या.
133 अर्थवेवस्थेच्या क्रमवारींत चीन 11 व्या क्रमांकाचेर पावला. हांतूत भारताचो क्रमांक 39 वो, इस्लामिक रिपब्लिक ऑफ इराण 64, कझाकिस्तान 79 आनी उझबेकिस्तान 83 वे सुवातेर आसा. उण्या मध्यम उत्पन्नाच्या गटांत भारत मुखार आसा आनी फाटल्या 14 वर्सांत सेगीत बरी कामगिरी करपी एकमेव देश जावन आसा. म्हत्वाचें म्हणल्यार भारत 2015 वर्सा हे वळेरेंत 81 वे सुवातेर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
