भांगरभूंय | प्रतिनिधी
खबरां संस्था ः देशांतलीं जायतीं पौराणीक देवळां मध्य प्रदेशांत आसात. उज्जैन हें एक शार जंय महाकाल वास रावतात. पूण ह्या भोलेनाथ शारांत लक्ष्मी देवीचें एक भोव दुर्मिळ देवूळ आसा. हें देवूळ 2000 वर्सां पोरणें अशें मानतात. चड करून लक्ष्मी देवी एक तर कमळाचेर बसता वा घुबडाचेर बसता अशें दिसता. पूण ह्या देवळांत ती हतयाचेर बसल्या. देखून ह्या देवळाक गज लक्ष्मी देवी देवूळ अशेंय म्हण्टात.
ह्या देवळाचो काळ द्वापर काळांतलो आसून तातूंत महाभारताचो संदर्भ आसा. महाभारत काळांत जेन्ना पांडव वनवासांत आशिल्ले आनी रानांत भोंवताले तेन्ना आवय कुंती देवी लक्ष्मीची पुजा करुन विचलित जाल्ली अशें म्हण्टात. आवयचें दुख्ख पळोवन पांडवांनी इंद्रदेवा कडेन मजतीची प्रार्थना केली. पांडवांच्या प्रार्थनेक लागून भगवान इंद्र प्रसन्न जालो आनी ताणें आपलें वाहन ऐरावताक धाडलें. इंद्रदेवाच्या वाहनाचे नांव ऐरावत आशिल्लें जो हत्ती आशिल्लो. लक्ष्मी आनी कुंतीजीन त्या ऐरावताची पुजा केली. कुंतीची भक्ती आनी पांडवांचें आवय कडेन आशिल्लें समर्पण पळोवन माता लक्ष्मी खूब खोशी जाली. ताचो आशीर्वाद पांडवांचेर पडलो आनी तांकां तांचे राज्य परत मेळ्ळें.
लक्ष्मीचें हें देवूळ कांय खाशेल्या कारणांक लागून फामाद आसा. ह्या देवळांत भक्तांक प्रसाद म्हूण नाणीं मेळटात अशें म्हण्टात. हाचे भायर दिवाळेच्या दिसा ह्या देवळात खाशेली पुजा करतात. दिवाळे दिसा व्हड प्रमाणांत दूद आनी 56 तरांचे भोग देवीक अर्पण करतात. शुक्रारा ह्या देवळांत व्हड गर्दी आसता. ह्या देवळा विशीं एक समज आसा की ह्या दिसा जायते वेपारी देवळांत येवन आपलो पयलो हिशोब करतात.
ह्या जाग्यार विष्णुची एक दुर्मीळ मूर्तूय आसा. हे मूर्तींत तो दशावताराम म्हणून बसला. अशी विष्णुची मूर्त हेर खंयच दिसना अशें म्हण्टात. ही मूर्त काळ्या रंगाची आसून ती सुमार 2000 वर्सां पोरनी आसा अशें मानतात. अर्थीक संकश्टांत पडपी लोकांक हांगा लक्ष्मीचे आशीर्वाद मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
