भांगरभूंय | प्रतिनिधी
पणजीः पुलीस स्थापना मंडळाचे शिफारशी प्रमाण गोंय पुलीस खात्यांत व्हड बदल केल्यात. ते प्रमाण पुलिसांच्या 36 उपनिरिक्षकां सयत 704 कर्मचाऱ्यांची बदली केल्या. तातूंत 77 बायलां कर्मचाऱ्यांचो आस्पाव आसा. हे विशींचो आदेश मुख्यालय अधीक्षक नेल्सन आल्बुकेर्क हांणी जारी केला.
जारी केल्ल्या आदेशा प्रमाण, पुलिसांच्या 36 उपनिरिक्षकांची बदली केल्या. तातूंत 8 बायलां उपनिरिक्षकांचो आस्पाव आसा. ते भायर 23 सहाय्यक उपनिरिक्षकांची बदली जाल्या. हातूंत 2 बायलां सहाय्यक उपनिरिक्षक, दोन बायलां हवालदारा सयत 68 हवालदार आसपावीत आसात. हाचे भायर 70 बायलां पुलीस हवालदार, 497 पुलीस हवालदार, 3 सहाय्यक उपनिरिक्षक (वायरलेस संदेश), 4 हवालदार (आरटीओ), एक पुलीस हवालदार (वायरलेस संदेश) आनी दोन पुलीस हवालदार (आर्मरर्स) आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
