भांगरभूंय | प्रतिनिधी
आयज काल सगलेच सोशल मिडियाचो वापर करतात. ताचेर वेगळे वेगळे पोस्ट, व्हिडीयो येतात. ताची दरेकल्यान बारीक म्हायती काडपाक जाय. खूब फावटी अर्दकुटे म्हायतीचो आदार घेवन थोडे अतिआत्मविस्वास दाखयतात. आपणाक सगलें कितें खबर आसा, अशें दाखयतात आनी स्वताची फटवणूक करून घेतात.
फुडले व्यक्तीक आपल्या जाळ्यांत ओडून ताची फटवणूक करपाक सायबर चोर वेगवेगळे फंडे, युक्ती वापरूंक लागल्यात. तांच्या करामतीच्यो खबरो सद्दां येत आसतात. तरीय आमी कांय गजालींचेर लक्ष दवरपाक जाय. आपणाक व्हाॅट्सअॅपाचेर आयिल्ले अनवळखी फोन उखलपाचें धाडस करूं नाकात. ताका लागून फटवणूक जावं शकतात. व्हाॅट्सअॅपाचेर उलोवचे पयलीं आपली स्क्रीन शॅर जावंक ना मूं हाची खात्री करात. जर चुकून ती जाल्ली आसल्यार ती बंद करून मागीर उलयात.
अनवळखी व्यक्ती कसलीच म्हायती दिवं नाकात. खास करून ओटीपी, पीन नंबर बी. सोशल मिडियाचेर येवपी नवे फिचर, नवे बदल पयलीं समजून घेयात आनी मागीरुच वापरात. अर्दवट गिन्यानाच्या आदाराचेर तांचो वापर करप धोक्याचें थारूं शकता, हें कोणे विसरचें न्हय. तेन्ना सगल्यांनी सादूर रावचें. सायबर मळाचेर कोणूच स्वताचें लुकसाण करून घेवपाक येवंक ना, हें मतींत दवरचें.
– गजानन बा. नायक भाटकार
आल्त पर्वरी (बार्देस)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
