भांगरभूंय | प्रतिनिधी
फोंडें: फोंडें पुलीस स्टेशनाचे निरिक्षक विजयनाथ कवळेंकार हांच्या मार्गदर्शना खाला फोंडें सराफी दुकानकार संघटणेच्या पदाधिकाऱ्यांची बसका घेतली. 20 परस अदीक दुकानकार बसकेक हाजीर आशिल्ले.
दुकानांत सीसीटीव्ही कॅमेरांची सक्ती, मोलादीक वस्ती राती वेळार दुकानांत दवरच्यो न्हय, दुकानांत सुरक्षा र7क दवरप आनी हेर विशयांचेर सराफी दुकानकारांक मार्गदर्शन केलें.
म्हापशेंच्या बाजारांतलें नास्नोडकार ज्वेलर्स हें सराफी दुकान चोरीन फोडून कोटींनी रुपयांच्यो भांगराच्यो आनी रुप्याच्यो वस्ती फारायल्ल्यो. फोंडें शारांत अशे तरेचे गुन्यांव घङचे न्हय हे खातीर निरिक्षक विजयनाथ कवळेंकार हांणी सराफी दुकानकारांची बसका घेतली. मजगतीं, फोंडें पुलिसांनी सायबर गुन्यांव आनी येरादारी नेमां विशीं पोरण्या बस स्टॅण्डाचेर जागृताय केली. मोबायलाचो वापर चड वाडिल्ल्यान सायबर गुन्यांवांत सुमारा भायर वाड जाल्या. मोबायल धारकांनी सादुरकाय बाळगून मोबायल हाताळटना खंयच्याच हांयसाक बळी पडचे न्हय, असो उलो पुलिसांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
