कोंकणी भाशा मंडळाचे पुरस्कार जाहीर

भांगरभूंय | प्रतिनिधी

29 सप्टेंबराक जावपी वर्धापन दिसा भेटयतले पुरस्कार

पणजी ः कोंकणी भाशा मंडळान 2024 वर्साचे पुरस्कार जाहीर केल्यात. मंडळान आयोजीत केल्ले पत्रकार परिशदेक हे पुरस्कार जाहीर केले. मंडळाच्या 62 व्या वर्धापन दिसाच्या सुवाळ्या वेळार हे पुरस्कार भेटयतले. हो सुवाळो 29 सप्टेंबर दिसा रवींद्र भवन, मडगांवां सकाळीं 9.30 वरांचेर जातलो.

पुरस्कार अशें आसात…

कोंकणी भाशा मंडळ पुरस्कृत सेवा पुरस्कारः आनंद मंगेश नायक

सॅराफीन कोता पुरस्कृत फेलिस्यु कार्दोज यादस्तीक शिक्षक पुरस्कारः डॉ. पूर्णानंद च्यारी

दिनेश मणेरकार पुरस्कृत चंद्रकांत केणी यादस्तीक स्तंभलेखन पुरस्कारः अनंत अग्नी

लिगोरियो फुर्ताद ट्रस्ट पत्रकारिता पुरस्कारः महेश दिवेकार

विन्सी क्वाद्रूस पुरस्कृत जुझे पियेदाद यादस्तीक कार्यकर्तो पुरस्कारः परेश नायक

फा. मॉरेन डिसोजा यादस्तीक युवा साहित्य पुरस्कारः आकाश गांवकार

विक्रम वेर्लेकार पुरस्कृत युवा उद्देजिका पुरस्कारः सुनेत्रा पै फोंडेकार

बाल साहित्य पुरस्कारा खातीर फावो तशें पुस्तक मेळूंक नाशिल्ल्यान परिक्षकांनी नांव सुचोवंक ना.

नरसिंह दामोदर नायक साहित्य पुरस्कारः सोनाली चोडणकार हांच्या ‘साहित्य यात्रा’ ह्या पुस्तकाक.

रॉक बार्रेटो साहित्य पुरस्कारः अंबेश तळवडकार हांच्या ‘हाफ सेंच्युरी’ ह्या कविता संग्रहाक.

कोंकणी भाशा मंडळ पुरस्कृत रमेश वेळुस्कार साहित्य पुरस्कारः तेओतीनिओ कॉस्ता हांच्या ‘चारूशिला आनी हेर कथा’ ह्या पुस्तकाक.

दिनेश मणेरकार पुरस्कृत रामनाथ मणेरकार अणकार पुरस्कारः स्नेहलता भाटीकार हांच्या ‘भगभगतें तेमूक’ ह्या पुस्तकाक.

2024 वर्साच्या पुरस्कारांचे परिक्षक अशें आसात –

सेवा पुरस्कार कमलाकर म्हाळशी, वसंत भगवंत सावंत आनी उदय देशप्रभू. पत्रकारिता पुरस्कार अजित पैंगिणकार, दिलीप बोरकार आनी जॉन अल्फान्सो. शिक्षक पुरस्कार काश्मिरी पावसकार, अनंत अग्नी आनी बिना कामत शंखवाळकार. कार्यकर्तो पुरस्कार नूतन साखरदांडे, सॅराफिन कोता आनी चेतन आचार्य. साहित्य पुरस्कार जयंती नायक, सखाराम बोरकार आनी फा. मायरन बारेटो. युवा साहित्य पुरस्कार अंजू साखरदांडे, प्रो. डॉ राजय पवार आनी गोपीनाथ गांवस. बाल साहित्य पुरस्कार नयना आडारकार, हर्षा शेट्ये आनी डॉ. योगिनी आचार्य. युवा उद्योजिका पुरस्कार मनस्वी कामत, ओंकार सांबारी आनी पल्लवी आरोंदेकार.