भांगरभूंय | प्रतिनिधी
म्हापशें : कळंगूट पुलिसांनी जुमेवा अमिरा (४२) हे उझबेकिस्तानाचे पर्यटक बायले कडल्यान १२.५ ग्राम वजनाचीं घुंवळे वखदां जप्त केलीं. तिका अटक केल्या. जप्त केल्ल्या घुंवळे वखदांची किंमत १.२० लाख आसा.
मेळिल्ले म्हायती प्रमाण, एक बायले घुवळे वखदां विकपा खातीर येतली अशी म्हायती एका सुत्रान पुलिसांक दिली. हे म्हायतीच्या आदाराचेर पुलिसांच्या पंगडान सिकेरी नुस्तेंमारी जेटीर लिपून बसून हे बायलेक अटक केली. पंचाचे हाजेरींत पुलिसांनी तिची चवकशी केली. तपासणे उपरांत तिचे कडेन घुंवळे वखदां सांपडलीं.
हे विशीं घुंवळे वखदां विरोधी कायद्या खाला गुन्यांव नोंद केला. फुडलो तपास उत्तर गोंय अधीक्षक अक्षत कौशल आनी पर्वरीचे उपअधीक्षक विश्वेश कर्पे हांच्या मार्गदर्शना खाला तशेंच कळंगूटे पुलीस स्टेशनाचे निरीक्षक सोमनाथ माजीक हांच्या नेतृत्वा खाला कळंगूट पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
