भांगरभूंय | प्रतिनिधी
सरकारी काम करपाचें आसा आनी तेंय रेल्वेंत जाल्यार तुमकां भांगराळी संद आसा. रेल्वेच्या तीन हजारां परस चड पदां खातीर भरती चालू आसा आनी ते खातीर अर्ज करपाची प्रक्रियाय सुरू जाल्या. रेल्वे भरती मंडळान २१ सप्टेंबर सावन ठठइ RRB NTPC UG भरती २०२४ खातीर अर्ज प्रक्रिया सुरू केल्या. कमर्शियल कम तिकीट लिपीक (क्लार्क), कनिश्ट लिपीक आनी ट्रेन क्लर्क तशेंच हेर पदां खातीर भरती अर्ज करपाक इत्सूक आशिल्ले खंयचेय उमेदवार RRB rrbapply.gov.in चे वेबसायटीचेर लिंक मेळोवपाक शकता.
हे भरती मोहिमेंत रेल्वेंत वट्ट ३,४४५ पदां भरतले. अर्ज करपाची निमाणी तारीख २० ऑक्टोबर आनी अर्ज शुल्क २२ ऑक्टोबर मेरेन आसा.
खंयच्या पदा खातीर कितले जागे रिते?
कमर्शियल कम तिकीट लिपीक: २०२२ पदां
खातें लिपीक सह टंकलेखक: ३६१ पदां
कनिश्ट लिपीक सह टंकलेखक: ९९० पदां
ट्रेन क्लर्क: ७२ पदां
अर्ज कसो करचो ?
सुरवातेक RRB ची वेबसायट rrbapply.gov.in चेर वचात.
उपरांत होम पेजीर उपलब्ध आशिल्ल्या RRB NTPC UG Recruitment 2024 लिंकार क्लिक करात.
मागीर एक नवीन पेज उगडटली, जंय उमेदवारांक खातें तयार करचें पडटलें.
एकदां हें पुराय जालें काय लॉग ईन करात.
अर्ज भरात आनी अर्ज फी भरात.
सबमीट बटनाचेर क्लिक करात आनी पान डावनलोड करात.
फुडाराक गरजे खातीर ताची हार्डकाॅपी तुमचे कडेन दवरात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
