भांगरभूंय | प्रतिनिधी
जोयडा: रानवटी जनावरांचे अवयव बेकायदेशीरपणान सांठोवन दवरपी दुबावीत पक्रूसाबा शेख हाका दांडेली गांधीनगरच्या पुलिसांनी अटक केल्या. पक्रूसाबा शेख हाचे कडल्यान गव्या रेड्याचीं आनी हरणाचीं शिगां जप्त केल्यांत.
दांडेली गांधी नगराच्या एका घरांत रानवटी जनावरांचे अवयव आशिल्ल्याची म्हायती मेळ्ळी. उपरांत उप रान संरक्षक प्रशांत कुमार के सी, सहाय्यक संरक्षणाधिकारी डॉ. संतोष चव्हाण हांच्या मार्गदर्शना खाला ही कारवाय करून दुबाविताच्या घराची तपासणी केली तेन्ना गवे आनी हरणाचें शिंग सांपडलें. हे विशीं दुबाविताचेर रानजीव संरक्षण कायाद्या खाला गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
