भांगरभूंय | प्रतिनिधी
सांगें : गोंयांत चवथ व्हडा उमेदीन मनयतात. ह्या काळांत भौशीक गणेश मंडळां सोर्ती काडटात. जायतीं इनामांय दवरतात. तातुंतलीच एक सोर्त म्हणल्यार सांगेंच्या संगमपूर गणेशोत्सव मंडळाची. सगले गोंयकार तिची वाट पळयतात. ती काडपा खातीर गर्दी पडटा. सगळीं उमळशीकेन वाट पळयतालीं ते सोर्तीचो निकाल परवां लागलो. भारतीय राखीव दळाचे (आयआरबी) उपनिरीक्षक शिरीषकुमार नायक हांणी पयलें इनाम जिखलां. ते डबल बेडरूमाचो फ्लॅट आनी २७ लाख रुपयांचे मानेली थारल्यात.
इनामां अशीं आसात
हे सोर्तीचें पयलें इनाम टू बीएचके फ्लॅट आनी २७ लाख रुपया आसा. दुसरें इनाम धा चाकी ट्रक आनी २१ लाख रुपया, तिसरें इनाम टाटा हिताची शिनारी प्रो ह्या वाहना सयत १४ लाख रुपया, चवथें इनाम महिंद्रा थार आनी ६ लाख ६५ हजार रुपया, पांचवें इनाम नेक्सॉन स्मार्ट कार (डिझेल) आनी ४ लाख ७० हजार रुपया, सवें इनाम पंच ईव्ही स्मार्ट कार आनी ४ लाख ७० हजार रुपया, सातवें इनाम तियागो ईव्ही एक्सई एमआर आनी ३ लाख ५० हजार रुपया, आठवें इनाम तियागो ईव्ही एक्सई एमआर आनी ३ लाख ५० हजार रुपया, णव्वें इनाम तियागो एक्सई एमआर आनी ३ लाख ५० हजार रुपया, १० वें इनाम तियागो एक्सई एमआर आनी ३ लाख ५० हजार रुपया, इकरावें ईनाम तियागो एक्सई एमआर आनी ३ लाख ५० हजार रुपया, तशेंच धा स्कुटरी आनी ताचे वांगडा रोख रक्कमूय दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
