भांगरभूंय | प्रतिनिधी
आमी आमच्या वडिलांक केन्नाच कमी लेखूंक जायना. तांकां मान दिवपाक जाय. किद्याक तर आवय, बापूय, आजो, आजी हीच आमची व्हडली संपत्ती.
जाण्टें हे आमकां देवा समान, अशें आमी सगलींच म्हणटात, पूण अशें म्हणलेंच म्हूण जायना, तर आमी तें आमच्या जिवितांत लेगीत आपणावपाक जाय. आवय- बापायची वा आजो- आजयेची आमकां जतनाय घेवपाक जाय. तांकां मान, स्नेह, मोग दिवपाक जाय. होच विचार मनांत दवरून आमी दोनापावलाच्या अवर लेडी ऑफ रोझरी हायर सेंकडरी स्कूलांतलीं बारावेची भुरगीं पर्रा- म्हापश्यां आशिल्ल्या संवेदना आश्रमात गेलीं.
हो आश्रम फकत बायलां खातीर आसा. आमी एक ल्हानसो कार्यक्रम बसयलो. तातूंत आलिया गोन्साल्वीस हें सूत्रसंचालक आशिल्लें. आमी कार्यक्रमाची सुरवात देवाक नमन करून हेजल आनी भाग्येशा हांच्या नाचान केली.
उपरांत आमी तांच्या वांगडा वेगवेगळे खेळ खेळ्ळीं. जशे की बॉल पास करप, कोणा कडेन निमाणो बॉल उरता तो जिखता. आनीकूय खेळ खेळ्ळीं. तांकां आनीक उमेद हाडपाक आमचें बाय सानिया आनी निश्का हांणी एक सुंदर नाच केलो. मागीर आमी धालो गीत गायलें. तांणी लेगीत आमचे वांगडां पदां गायलीं. एक खुशालकायेचो वेळ आमी तांच्या वांगडा सारलो. तीं पयलीं कशीं जियेतालीं, तांच्या घरच्यांनी तांच्या वांगडा कसो वेव्हार केलो, हांगां तीं कशीं आनी कसले परिस्थितीन मेळ्ळीं आनी तांकां आमी कशी मदत करूंक जाय. आमी जाता तितली तांकां मदत करूंक जाय हें आमकां सांगलें. निमणें आमी टिचर सुचेता पै आमकां थंय व्हरून तांचें जिवीत दाखोवन, तांच्या वांगडा वेळ सारूंक, तांची काळजी घेवंक मदत केली म्हूण तांचे उपकार मानले.
आमी आमच्या आवय, बापायक वा आजी, आज्याक कशे तरेन जाण्टेंपणान सांबाळचें आनी तांचे वांगडा वेळ कसो सारपाचो हें आमकां भेटींत कळ्ळें. आमी आमच्या वडिलांक केन्नाच कमी लेखूंक जायना. तांकां मान दिवपाक जाय. किद्याक तर आवय, बापूय, आजो, आजी हीच आमची व्हडली संपत्ती.
– हनिशा गांवस
यत्ता बारावी विज्ञान
अवर लेडी आॅफ रोझरी हायर सेकंडरी, दोनापावल
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
