भांगरभूंय | प्रतिनिधी
भौशीक बांदकाम खात्यांत
(पीडब्ल्डयूी) मंत्री आसतना खात्याचे
अभियंते म्हाका भियेताले. पूण 2018
वर्सा म्हाका सरकारांतल्यान काडून
उडयले उपरांत अभियंत्यांनी ते
उपरांतच्या मंत्र्यांक भियेवप बंद केलें,
अशें वीज मंत्री सुदिन ढवळीकार हांणी
शुक्रारा पत्रकारांक सांगलें.
पेड्ड्यार रस्ते बांदिल्ल्या कंत्राटदारांक
कारणां दाखय नोटीस जारी केले
उपरांत सरकारान संबंदीत कंत्राटदारांक
स्वताच्या खर्चान रस्ते बांदपाचे निर्देश
जारी केल्यात. तशेंच ह्या निर्देशांची
अंमलबजावणी करीना त्या कंत्राटदारांक
काळे वळेरेंत घालपाची शिटकावणीय
सरकारान दिल्या.
ह्या फांटभुंयेर, पत्रकारांनी खूबशीं
वर्सां पीडब्ल्डयूी खातें सांबाळपी
सध्याचे वीज मंत्री सुदिन ढवळीकार
हांचे कडेन संपर्क सादलो. प्रमोद
सावंत हांणी कंत्राटदारां विशीं घेतिल्लो
निर्णय योग्य आशिल्ल्यान पेड्ड्यार
रस्त्यां खातीर कंत्राटदारां आड कारवाय
जावपाकूच जाय अशें तांणी सांगलें.
उण्या दर्जाच्या रस्त्यांक कंत्राटदारां
वांगडाच अभियंतेय जापसालदार
आसता. कंत्राटदारां कडल्यान काम
योग्य तरेन जावपाक जाय ही तांची
जापसालदारकी. ताका लागून कंत्राटदार
तशेंच संबंदीत अभियंत्यांचेर कारवाय
करपाची गरज आसा, अशें तांणी
सांगले
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
