भांगरभूंय | प्रतिनिधी
तीन सेल डीड फायली गायब प्रकरण
म्हापशें: बार्देस उपनिबंधक कचेरेंतल्यान जमनीचे तीन विक्रीपत्र (सेल डीड) चोरी प्रकरणांत विस्तारान तपशीलवार कागाळ दिवपाची सुचोवणी म्हापशें पुलिसांनी कागाळदार उपनिबंधक ऋषीक नायक हांकां केल्या. हाका लागून उपनिबंधक कचरी भियेल्या.
बिरेस्तारा कागाळदार उपनिबंधक नायक हांणी पुलिसांक आपोवन फायली चोरये विशीं तपशील जाणून घेवपाचो यत्न केलो. सुमार वरभर पुलिसांनी कागाळदाराची चवकशी केली. उपरांत सविस्तर तपशीलवार म्हायती दिवपाक सांगली.
संबंदीत विक्रीपत्र धारकांनी उपनिबंधक कचेरे कडेन सेलडिडाची फायल दिवपाची विनंती केली. कचेरेंत पळोवणे वेळार ह्या तिनूय फायली सांपडूंक नात. फायली गायब जाल्ल्याचें स्पश्ट जाले उपरांत उपनिबंधकांनी पुलिशेंत 3 सप्टेंबर दिसा कागाळ दाखल केली. ह्या तिनूय जमीन विक्रीपत्राच्यो फायली वेगळ्यावेगळ्या मनश्यांच्यो आसात.
चोरयेक गेल्ल्यो ह्यो तिनूय फायली मदीं एकाची मे जाल्यार दोनाची जून 2024 वर्सा सेलडीड जाल्ली. म्हापशें पुलिसांनी भारतीय न्याय संहितेच्या 380 कलमा खाला अनवळखी दुबाविता आड गुन्यांव नोंद केला. फुडलो तपास पुलीस निरिक्षक निखील पालयेंकार हांच्या मार्गदर्शना खाला म्हापशेें पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
