भांगरभूंय | प्रतिनिधी
कोल्हापूर, खबरां संस्था: राधानगरी म्हालांतल्या सरवडे गांवांत एका भिरांकूळ अपघातांत एकाच गांवांतल्या तिगा तरणाट्यांक मरण आयलें. बोलेरो गाडी आनी ट्रका मदीं हो अपघात जालो. हातूंत त्या तिगांय तरणाट्यांक जाग्यारूच मरण आयलें. जाल्यार पांच जाण गंभीर जखमी आसात. हे तरणाटे सोळंकूर गांवचे.
हे विशीं चड म्हायती प्रमाण, निपाणी- देवगड राज्य म्हामार्गार ट्रक आनी बोलोरो गाडयेचो धपको बसून अपघात जालो. अपघातांत तरणाट्यांक जाग्यारूच मरण आयलें. शुभम चंद्रकांत धावरे (२८), आकाश आनंद परीट (२३) आनी रोहन संभाजी लोहार (२४) अशीं तांचीं नांवां. जाल्यार ऋत्विक राजेंद्र पाटील, भरत धनाजी पाटील, सौरभ सुरेश तेली आनी संभाजी लोहार हे चार जाण गंभीर जखमी जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
