भांगरभूंय | प्रतिनिधी
अॅपल कंपनीन आयफोन १६ सिरीज लॉन्च केल्या. हे सिरीजी वरवीं अॅपलान आयफोन १६, आयफोन १६ प्लस, आयफोन १६ प्रो आनी आयफोन १६ प्रो मॅक्स अशे वट्ट चार फोन हाडल्यात. ह्या चारूय फोनांनी बरे फिचर्स आसात. येवपी १३ सप्टेंबर सावन ह्या फोनाच्यो प्री-ऑर्डरी येतल्यो. जाल्यार २० सप्टेंबर सावन हे फोन वाटपाक सुरवात जातली. मजगतीं, आयफोनाची ही नवी सिरीज लॉन्च जातांच पल कंपनीन आपले हे आदले फोनाचे किमतींत व्हड सूट दिवपाचो निर्णय घेतलो. आयफोन १५, आयफोन १४ ह्या फोनांत बंपर सूट दिल्या.
आयफोन १५, आयफोन १४ ची किंमत
आयफोन १६ सिरीजच्या लॉन्चिंगा उपरांत अॅपल कंपनीन आपल्या हेर ५ फोनांची किंमत देंवयल्या. पल कंपनीच्या अधिकृत स्टोअराचेर ह्या पांच आयफोनांची नवी किंमत दाखयल्या. कंपनीन ह्या आयफोनांची किंमती सुमार १०,००० रुपयांनी सवाय केल्या. नव्या आयफोन १६ क कंपनीन ७९,९०० रुपयां सावन लॉन्च केलां. ह्या नव्या सिरीजच्या फोनांत डेडिकेटेड कॅप्चर बटन, नवे प्रोसेसर, पल इन्टेलिजेन्स हाचे सयत जायते नवे फिचर्स दिल्यात.
आयफोन १५, आयफोन १५ प्लस
१२ सप्टेंबर २०२३ दिसा लॉन्च जाल्लो आयफोन १५ आनी आयफोन १५ प्लस ह्या मॉडेल्सांचेर अॅपल कंपनीन १०,००० रुपयांची कायमस्वरुपी कपात केल्या. फाटल्या वर्सा आयफोन १५ ह्या फोनाची सुरुवातेची किंमत ७९,९०० रुपया आशिल्ली. हो फोन १२८ जिबी, २५६ जिबी आनी ५१२ जिबी स्टोअरेज व्हेरियंटांत लॉंच केल्लो. आयफोन १५ प्लस ह्या फोनची सुरवातेची किंमत ८९,९०० रुपया आशिल्ली.
आयफोन १६ ही नवी सिरीज आयले उपरांत ह्या दोनूय फोनांच्यो किंमती १०,००० रुपयांनी देंवल्यात. हाचे वांगडा ह्या फोनांचेर ४,००० रुपयांचे इन्स्टंट बँक डिस्कावंन्ट दितात. आतां आयफोन १५ हो ६९,९०० रुपयांक मेळटा. वांगडा बँक डिस्कावंट, एक्स्चेंज ऑफर अशे जायते लाव मेळटले. जाल्यार आयफोन १५ प्लस ह्या फोना खातीर आतां ७९,९०० रुपया मेजचे पडटले.
आयफोन १४, आयफोन १४ प्लस
आयफोन १४ आनी आयफोन १४ प्लस हे अॅपल कंपनीचे फोन २०२२ वर्सा लॉन्च जाल्ले. ह्या नोनूय मोबायलांची किंमत फाटल्या वर्सा १०,००० रुपयांनी उणी केली. अॅपल कंपनीने आतां परत ह्या दोनूय मॉडेलांची किंमत १०,००० रुपयांनी उणी केल्या. हे दोनूय फोन विकत घेतले काय ताचेर ४,००० रुपयांचे बँक डिस्काउन्ट दिल्या. आयफोन १४ हो ९ सप्टेंबराक ६९,९०० रुपयांक मेळटालो. आतां हो फोन ५९,९०० रुपयांक मेळटा. जाल्यार आयफोन १४ प्लस ह्या फोनाक तुमी ६९,९०० रुपयांक विकत घेवपाक शकतात. हे दोनूय फोन १२८ जिबी, २५६ जिबी आनी ५१२ जिबी ह्या व्हेरियंटांत मेळटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
