भांगरभूंय | प्रतिनिधी
तिरुनेलवेली, खबरां संस्था: तामिळनाडूच्या तिरुनेलवेली जिल्ह्यांतल्या राधापुरम गांवांत काळजाक पीळ घालपा सारकी घडणूक घडल्या. शेजार्या वांगडा आशिल्ल्या अनैतीक संबंदा वेल्यान एका तीन वर्सां पिरायेच्या चल्याचो खून जाला. उपरांत ते बायलेन ताची कूड पोतयेंत घालून वॉशिग मशिनांत लिपयली. हे घडणुकेचो पुलिसांनी तपास करून आरोपी बायलेक अटक केली.
पुलिसांचे म्हायती प्रमाण, राधापुरम वाठारांत एक कुटूंब रावता. तें मजुरीचें काम करता. तांचो ३ वर्सां पिरायेचो चलो लागसारचे आंगणवाडी शाळेंत वतालो. मात एक दीस अचकीत तो गायब जालो. उपरांत ताच्या आवय-बापायन सोद घेवपाक सुरवात केली. दिसभर त्या भुरग्याक सोदून लेगीत तो सांपडूंक नाशिल्ल्यान तांणी राधापुरम पुलिशेंत कागाळ केली.
उपरांत पुलिसांनी तपासाक वेग दिलो आनी चल्याची चवकशी करपाक सुरवात केली. तपासा मजगतीं लोकांनी पुलिसांक भुरगो एका घरांत गेल्लो म्हणून सांगलें. पुलिसांनी थंगमला नांवाचे एके ४० वर्सां पिरायेचे बायलेची तिच्या घरा वचून चवकशी केली. पुलिसांक तिच्या उलोवपाचेर दुबाव आयलो. घराची तपासणी केले उपरांत तिच्या वॉशिंग मशिनांत त्या भुरग्याची कूड सांपडली. पुलिसांनी ती भायर काडून पोस्टमार्टमा खातीर धाडली. ह्या खुनाच्या प्रकरणांत थंगमला हे बायलेक अटक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
