भांगरभूंय | प्रतिनिधी
मडगांव : चवथीच्या काळांत प्रवाशांची जावपी गर्दी उणी करपा खातीर कोंकण रेल्वे मार्गार मडगांव जंक्शन ते पनवेल मजगतीं विशेश गाडयो सोडपाचो निर्णय घेतला. गाडी क्रमांक 01428/01427 मडगांव जंक्शन – पनवेल – मडगांव जंक्शन विशेश गाडयो सोडल्यात.
गाडी नंबर 01428 मडगांव जंक्शन ते पनवेल ही गाडी मडगांव जंक्शना वयल्यान 15 सप्टेंबराक सकाळीं 9.30 वरांचेर सुट्टली आनी त्याच दिसा ही गाडी 22.15 वरांचेर पनवेल पावतली.
गाडी नंबर 01427 पनवेल – मडगांव जंक्शन ही गाडी पनवेलाच्यान 15 सप्टेंबराक 23.45 वरांचेर सुट्टली आनी दुसर्या दिसा 11 वरांचेर ही गाडी मडगांव जंक्शना कडेन पावतली. 20 डब्यांची ही गाडी करमळी, थिवी, सावंतवाडी रोड, झाराप, कुडाळ, सिंधुदुर्ग, कणकवली, नांदगाव रोड, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, आरवली रोड, सावर्डा, चिपळूण, खेड, वीर, माणगाव रोहा आनी पेण स्टेशनार रावतली. वयल्या गाडयांच्या तपशीलाचेर स्टेशनां आनी वेळा खातीर www.enquiry.indianrail.gov.in हे वेबसायटीक भेट दिवची. तशेंच एनटीईएस अॅप डाउनलोड करूं येता. प्रवाशांनी हे सेवेचो लाव घेवचो, असो उलो रेल्वे वतीन मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
