भांगरभूंय | प्रतिनिधी
अलिबाग, खबरां संस्था : कोंकणाक वचपी वाहनां वाडिल्ल्यान मुंबय- गोंय म्हामार्गाचेर येरादारीची कोयंडी जाल्या. हाका लागून लोणारे वाठारांत स ते सात किलोमीटर मेरेन गाडयांची लांब रांक लागल्या.
गोंयांत तशेंच महाराष्ट्रांत चवथ व्हडा भक्तीन मनयतात. ते खातीर मुंबयच्यान लाखांनी गणेशभक्त गोंयांत आनी कोंकणांत प्रवेश करतात. ७ तारखेक सुरू जावपी गणेशोत्सवा खातीर मंगळारा रातीं व्हड प्रमाणांत गणेशभक्त भायर सरले. देड हजार एसटी बशी सोडल्यो. हाका लागून हायवेचेर अचकीत वाहनांचो आंकडो वाडलो. लोणेरे हांगा फ्लायओव्हराचें काम चालू आशिल्ल्यान हांगाची येरादारी सर्व्हीस रस्त्या वयल्यान वळयल्या. अचकीत वाहनांचो आंकडो वाडिल्ल्यान फांतोडेर सावन हांगा येरादारी कोयंडी आशिल्ली.
बेशिस्त वाहन चालकांक लागून येरादारी गर्दीची समस्या आनीक वाडली. गोंय, कोंकणांत वचपी आनी मुंबय वचपी दोनूय मार्गांचेर गाडयो येवपाक लागिल्ल्यान वाहनांची कोयंडी पळोवपाक मेळटा. येरादारी पुलीस, प्रवाशांनी यत्न केले तरी येरादारी सुरळीत जावंक ना.
मुंबयच्यान गोंय, कोंकणांत वचपी पर्यायी मार्ग
मुंबय- गोंय म्हामार्ग (मुंबय- नवी मुंबय- पनवेल- महाड)
मुंबय- वाशी- पाम बीच- उरण फाटा- खारपाडा- वडखळ-महाड
मुंबय, पुणे दृतगती मार्ग (मुंबय- खालापुर- पेण- महाड)
मुंबय, पुणे दृतगती मार्ग (मुंबय-खालापुर- पाली- वाकण- माणगाव- महाड)
मुंबय पुणे दृतगती मार्ग (सातारा- उंब्रज- पाटण- चिपळुण)
मुंबय पुणे दृतगती मार्ग (सातारा- कराड- कोल्हापुर- राधानगरी मार्गान कणकवली)
मुंबय पुणे दृतगती मार्ग (सातारा- कराड- कोल्हापूर- आंबोली मार्गे सावंतवाडी)
मुबयच्यान अटल सेतू मार्गावेल्यान पळस्पेच्यान मुंबय- गोंय म्हामार्ग
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
