‘ह्यो’ ५ भाजयो खायात आनी रगतांतली साकर उणी करात…
भांगरभूंय | प्रतिनिधी
गोडेंमूत आशिल्ल्या लोकांनी खावपा- पिवपा संबंदी सारकी जतनाय घेवंक ना वा ताचे कडेन आडनदर केल्यार ताचो थेट परिणाम मनशाच्या रगतांतल्या साकरेच्या पातळेचेर जाता. चुकीची खाणां खाल्यार रगतांतली ग्लुकोजाची पातळी नेटान वाडूंक शकता. त्याच वेळार इन्सुलिनाच्या पातळेचेरूय परिणाम जाता आनी दुयेंतीक त्रास जावपाक लागतात. साकर वाडल्यार तकली दुखप, थकपाक जावप आनी अस्वस्थताय येवंक शकता. अशें स्थितींत ‘ह्यो’ ५ भाजयो आहारांत आस्पावच्यो. तांकां लागून तुमच्या रगतांतली साकर चड बेगीन वाडूंक शकना. ते भायर ‘ह्यो’ भाजयो तुमच्या इन्सुलिनाचो प्रतिसाद सुदारतात.
१. ब्रोकोली
ब्रोकोली पोशक आसपा वांगडाच गोडेंमूत विरोधीय आसा. तशेंच ब्रोकोली खाल्यार तुमची साकर पातळी तिगोवन दवरपाक मजत जाता. खरें म्हणल्यार ब्रोकोलींत आहारांतले तंतू आनी क्रोमियम आसतात, जे इन्सुलिनाचो प्रतिसाद सुदारतात आनी गोडेंमूता संबंदीत लक्षणां नियंत्रीत करपाकय मजत करता.
२. पालक
गोडेंमूत जाल्ल्या दुयेंतींक पालकाचीं पानां खूब फायदेशीर थारूंक शकतात. खरें म्हणल्यार पालकाचो ग्लायसेमिक इंडेक्स खूब उणो आसता. तशेंच पालकांत कांय अँटिऑक्सिडंट्स आसतात जे रोगप्रतिकार शक्त वाडोवपाक आनी रगतांतल्या ग्लुकोजाची पातळी उणी करपाक वावुरतात.
३. भेंडे
भेंड्याची भाजी वा उदक पियेवप भलायके खातीर फायदेशीर थारता. गोडेंमूत वेवस्थापनाक भेंडे खूब फायदेशीर थारूंक शकता. भेंडे कुडींत इन्सुलिन तयार करपाक आदार करता. भेंड्यांची भाजी वा भरिल्ले भेंडे खावं येतात.
४. कारातीं
कारातें रुचीक कडू आसले तरी तें भलायके खातीर खूब फायदेशीर आसता. तें खाल्ल्यार कुडीक गरजेचे गुणधर्म मेळटात. जाका लागून जीवनसत्वां आनी खनिजां कुडींत साकर वाडप आडायता. भाजी, कारात्याचीं कापां वा भरिल्लीं कारातीं अशें तरेन ती खावंक मेळटा.
५. मेथी
मेथी कुडींतली रगतांतली साकर नियंत्रणांत दवरता. इतलेंच न्हय, तर मेथीचें उदक पियेल्यार कुडींतली साकर नेटान उणी जाता. ही मेथी भाजीच्या रुपांत वा पराठ्याच्या रुपांत खावंक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
