भांगरभूंय | प्रतिनिधी
पणजी: गोंय पर्यटन विभाग यशोभूमी (इंडिया इंटरनॅशनल कन्व्हेन्शन आनी एक्स्पो सेंटर) द्वारका, नवी दिल्ली हांगा २९ ते ३१ ऑगस्ट मजगतीं जाल्ले बीएलटीएम २०२४ (BLTM²) २०२४ म्हळ्यार बिझनेस + लेजर ट्रॅव्हल अँड एमआयसीई (MICE) कार्यावळींत पर्जळ्ळें. गोंयचें आगळें वेगळें आकर्शण दाखोवपा खातीर आनी प्रवासी उद्देगांत बरें नातें जोडपा खातीर ही कार्यावळ एक उत्कृश्ट माची जावन आसा.
तशेंच, गोंय पर्यटन दालनाक बीएलटीएम २०२४ (BLTM² 2024) त उत्कृश्ट सजावट पुरस्कार मेळ्ळो. जाका लागून पर्यटकांक राज्याच्या आकर्शणान प्रभावीत केलें. ही मान्यताय गोंयच्या दालनांत इमर्सिव्ह आनी सोबितकायेचे नदरेन अणभव दिवपी आकर्शक बांदिलकीक समर्पीत करता. उत्तराखंडचे पर्यटन मंत्री सतपाल महाराज, पर्यटन मंत्रालयाच्या महासंचालक सुश्री मुग्धा सिन्हा आयएएस आनी आयसीआरटीचे संस्थापक संचालक डॉ. हॅरॉल्ड गुडविन आनी हेर मानेस्तांनी सन्मानीत केलें.
जीटीडीसीचे विपणन वेवस्थापक प्रवीणकुमार फळदेसाय, सहाय्यक पर्यटन अधिकारी प्रभाकर गावडे आनी पर्यटन विभागाचे म्हायती सहाय्यक उदय नायक हांच्या नेतृत्वा खाला गोंय पर्यटन प्रतिनिधींनी हे कार्यावळींत राज्याच्या पर्यटन प्रस्तावांचें प्रतिनिधित्व केलें. बीएलटीएमतल्या गोवा दालनाक उत्तराखंडचे पर्यटन मंत्री सतपाल महाराज हांणी भेट दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
