भांगरभूंय | प्रतिनिधी
नवी दिल्ली, खबरां संस्था ः रस्त्यार जावपी अपघात उणे करपा खातीर फुडल्या दोन वर्सांत येरादारी धोरणांत दोन म्हत्वाचे बदल चालीक लायतले. 2025 वर्सा सावन हलके खाजगी आनी भौशीक वाहनां खातीर नवे मानक थारायतले. जड वाहनां खातीर 2026 सावन नवे नेम लागू जातले. केंद्रीय रस्तो येरादारी आनी म्हामार्ग मंत्रालयाच्या म्हणण्या प्रमाण हाका लागून गंभीर जखमी जावप आनी अपघातांत मरण येवप्यांचो आंकडो उणो जातलो.
मंत्रालयाच्या म्हणण्या प्रमाण, 31 मार्च 2025 उपरांत तयार केल्ल्या हलके वाहनांत फुडल्या आनी फाटल्या सीटां खातीर ‘बेल्ट अलार्म सिस्टिम’ सक्तीची आसतली.
स्पीड ब्रेकर सारके दोश पयस करुया: नितीन गडकरी
रस्त्याचे अपघात उणे करपा खातीर फुडल्या दोन वर्सांत रस्त्या अभियांत्रिकींतल्यो उणाव आमी पयस करतले. चडशा अपघातांनी रस्तो बांदचे पयलीं डीपीआरांतल्यो चुको दिसून आयल्यो. हांतूत धोक्याची ओल्ता, स्पीड ब्रेकर, वायट बांदकाम सामान, मार्जिन लेन अशे डझनभर उणाव सोदता. म्हामार्गांचे डीपीआर मंजूर करचे पयलीं ताची संगणकीय प्रतिमा पळयतले अशें केंद्रीय रस्तो येरादारी आनी म्हामार्ग मंत्री नितीन गडकरी हांणी सांगलें.
बशींतूय सीट बेल्ट घालप सक्तीचें…
2026 वर्सा सावन सीट बेल्ट अलार्म सिस्टिम जड वाहनांकय लागू जातली. हातूंत बशी, ट्रॅव्हलर आनी मिनी बशी हांचो आस्पाव आसा. दरेक सीटांचेर सीट बेल्ट लावप गरजेचें आसतले. सरकारी बशींत प्रवाशा पयलीं सुरक्षेचे मानकां विशीं घोशणा जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
