छत्रपती शिवरायांचो पुतळो कोसळिल्ल्या प्रकरणांत फरारी चेतन पाटीलाक अटक
भांगरभूंय | प्रतिनिधी
जाल्यार कंत्राटदार जयदीप आपटे फरारी
मालवण, खबरां संस्था: सिंधुदुर्गाच्या मालवण वाठारांतल्या राजकोट किल्ल्यांत उबारिल्ली छत्रपती शिवाजी महाराजांची मूर्त कोसळ्ळी. हे घडणुके उपरांत शिव मोगीं मदीं तिडक निर्माण जाल्या. तशेंच विरोधकूय बरेच चाळवल्यात. आतां ह्या प्रकरणांत एक व्हड अपडेट आयल्या. छत्रपती शिवाजी महाराजांचो पुतळो कोसळिल्ल्या प्रकरणांत स्ट्रक्चरल कन्सल्टंट आशिल्लो आरोपी चेतन पाटीलाक पोलिसांनी ताब्यांत घेतला. थळावे गुन्यांव अन्वेशण फांट्या वतीन ही कारवाय जाली.
मेळिल्ले म्हायती प्रमाण सिंधुदुर्गच्या राजकोट किल्ल्याचेर जाल्ले दुर्घटनेक उपरांत पुलिसांनी व्हड कारवाय केल्या. स्ट्रक्चरल कन्सल्टंट म्हणून काम करपी चेतन पाटीलाचेर पुलिसांनी गुन्यांव दाखल केला. उपरांत पुलिसांनी चेतन पाटीलाच्या कोल्हापुरच्या शिवाजी पेठ हांगच्या घरा वचून चवकशी केली. हे चवकशे उपरांत आतां कोल्हापूर पुलिसांनी चेतन पाटीलाक ताब्यांत घेतला. थळावे गुन्यांव अन्वेशण फांट्या कडल्यान ही कारवाय जाली. रातच्या सुमार तीन वरांचेर ही कारवाय केली.
हाचे उपरांत चेतन पाटीलाक मालवण पुलीस स्टेशनांत हाडटले आनी थंय ताची पुराय चवकशी जातली.
जयदीप फरारी
जाल्यार दुसरे वटेन ह्या प्रकरणांतलो हेर आरोपी जयदीप आपटे हो सध्या फरारी आसा. जयदीप आपटे हो कल्याण रावता. जयदीप आपटेची चोवकशी करपा खातीर पुलीस ताच्या घरा गेले तेन्ना ताच्या घराक कुलूप आशिल्लें. उपरांत पुलिसांनी कुळारा गेल्ले जयदीप आपटे हाचे बायले कडेन चवकशी केली. राजकोट किल्ल्यावेलो छत्रपती शिवाजी महाराजांचो पुतळो उबारपाचें कंत्राट ठाण्यांतल्या जयदीप आपटे ह्या तरणाट्याक दिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
