भांगरभूंय | प्रतिनिधी
पणजीः आयतारा राज्यांत पावसाची तीव्रता उणी जाल्ली. 24 वरांत सरासरी 16.7 मिमी. मजगतीं, वाळपय सगळ्यांत चड पावस 38.4 मिमी. हाचे उपरांत सांगें 29.2 मिमी., फोंडें 28.8 मिमी., केपें 28 मिमी. हवामान खात्यान येलो ऑरेंज जारी करून 30, 31 ऑगस्ट ते 1 ते 2 सप्टेंबर ह्या काळांत मध्यम पावस पडपाची शक्यताय सांगल्या.
राज्यांत 1 जून ते 29 ऑगस्ट ह्या काळांत सरासरी 152.71 इंच पावस पडला. अंदूं पावसाचें प्रमाण 46.3 टक्क्यांनी चड आसा. ह्या काळांत वाळपय सगळ्यांत चड 194.82 इंच पावस पडला. हाचे उपरांत सांगें 185.07 इंच पावस पडला. सांखळे 165.74 इंच, केपें 164.42 इंच, पेडणें 156.33 इंच, पोरणें गोंय 150.94 इंच, फोंडें 149.43 इंच आनी काणकोणां 147.95 इंच पावसाची नोंद जाल्या.
हवामान खात्यान दिल्ले म्हायती प्रमाण आयतारा पणजेंत चडांत चड तापमान 2.2 अंश वाडून 31.5 अंश सेल्सियस जाला. जाल्यार उण्यांत उणें तापमान 26.5 अंश सेल्सियस आशिल्लें. मुरगांवांत चडांत चड तापमान 31 अंश आनी उण्यांत उणें 26.4 अंश आशिल्लें. राज्यांत चडांत चड तापमान 30 ते 31 अंश आसपाची शक्यताय आसा आनी फुडल्या पांच दिसां खातीर उण्यांत उणें तापमान 26 अंश आसपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
