भांगरभूंय | प्रतिनिधी
नवी दिल्ली, खबरां संस्था ः पासपोर्ट खातीर अर्ज करपी अर्जदारां खातीर म्हत्वाची खबर. पासपोर्ट ऑनलायन पोर्टलाची सेवा फुडले पांच दीस बंद आसतली. देखून ह्या काळांत नव्यो अपॉइमेंट्स दिवचे नात. तशेंच आदल्यो अपॉइमेंट्स रद्द करून तांकां फुडल्यो तारख्यो दितले.
तांत्रिक तपासणे खातीर पासपोर्ट सेवा पोर्टल आयज 29 ऑगस्टाक रातीं 8 सावन सोमार, 2 सप्टेंबराक सकाळीं 6 जायमेरेन पांच दिसां खातीर बंद आसतली. ह्या काळांत नागरिकां खातीर आनी MEA/RPO/BOI/ISP/DoP/Police Authorities हांचे खातीर हें पोर्टल बंद उरतलें. 30 ऑगस्टाक दिल्ली अपायमेंट फुडें धुकलतले आनी अर्जदारांक हे संबंदी म्हायती दितले अशी म्हायती पासपोर्ट सेवा पोर्टलान दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
