भांगरभूंय | प्रतिनिधी
स्मार्टफोन आमच्या दिसपट्ट्या जिणेंतलो एक गरजेचो भाग. खंयच्याय कामा खातीर मोबायलाचो व्हड प्रमाणांत वापर जाता. अशें वेळार तुमचो स्मार्टफोन चोरयेक गेलो वा शेणलो जाल्यार कितें करपाचे? वा फोन हॅक जालो जाल्यार कितें?
तुमच्या फोनांतले फोटो, दस्तावेज, बँक वा हेर तुमची वैयक्तीक म्हायती चुकीच्या लोकां कडेन पावल्यार ताचो गैरवापर जावंक शकता. देखूनच तुमचो स्मार्टफोन चोरी आनी हॅकिगांतल्यान सुरक्षीत दवरप म्हत्वाचें. स्मार्टफोन कंपनी आनी तांचे गूगल आनी ऍपल सारकिल्ले ऑपरेटिंग सिस्टम निर्मातेय स्मार्टफोन चोरी आडावपा खातीर आनी चोरी जाल्लो स्मार्टफोन सोंपेंपणान मेळोवपा खातीर पावलां उबारतात. हाचे खातीर गूगलान हालींच वापरप्यांक स्मार्टफोन सोदून काडपा खातीर Find My Device खाशेलपण सुरू केलां.
Find My Device कितें?
Find My Device हें वापरप्यांक तांचो शेणिल्लो वा चोरयेक गेल्लो स्मार्टफोन बेगीन आनी सुरक्षीतपणान सोदून काडपाक मजत करता. हें खाशेलपण वापरप्यांक ऑफलायन आसतना लेगीत अॅपांतल्या नकाशांत तांच्या एंड्रॉयड फोन आनी टॅबलेटांचें लोकेशन दाखोवंक शकता.
Find My Device खाशेलपण कशें काम करता?
ऑफलायन आसतना तुमचें डिव्हायस आनी फास्ट पेअर अॅक्सेसरीज सोदपाक Find My Device नेटवर्क मजत करता. Find My Device नेटवर्क तुमच्या Android डिव्हायसान आनी हेरांनी धाडिल्ली एनक्रिप्टेड लोकेशन म्हायती वापरूं शकता. जेन्ना तुमचो Android नेटवर्कांत सामील जाता, तेन्ना ते तो फोन कोणाचो (mobile Owner) ते सोदपाक सुरक्षीतपणान लागसारच्या डिव्हायसांक लोकेशनाची म्हायती धाडटा.
स्मार्टफोनाचेर Find My Device कशें सक्रिय करप?
० फोन सेटिंग्जांत वचून “Security and Privacy” चेर क्लिक करात.
० फुडें “Device Finders” पर्यायाचेर क्लिक करात.
० उपरांत “Find your offline devices” हाचेर क्लिक करात आनी फुडल्या पानाचेर वचात.
० मागीर With Network in all areas पर्याय निवडात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
