भांगरभूंय | प्रतिनिधी
पणजी ः दक्षीण गोंयांतल्या आनी मिनाच्या वेवसाया कडेन संबंदीत आशिल्ल्या एका उद्देजकाची 40 कोटी रुपयांची फटवणूक जाल्या. ह्या प्रकरणांत गोंय सायबर पुलिसांनी दोग जाणां आड गुन्यांव नोंद केला.
मेळिल्ले म्हायती प्रमाण, एस. ए. एक्स्पोर्ट हे मीन निर्गत करपी कंपनीचो बनावट ईमेल तयार करून तिचो 40 कोटींचो आर्बिटेशन दावो 3.11 कोटी रुपयांत मिटयलो आनी फटवणूक केली. ह्या प्रकरणांत दुबावीत देवल शारदा (हॉसपेट, कर्नाटक, मूळ सिंगापूर) आनी अतुल दीपकभाय पटेल (हॉसपेट, कर्नाटक) हांचे आड गुन्यांव नोंद केला.
मजगतीं, दुबावीत देवल हांणे हे पयशे अतुलाच्या बँक खात्यांत हस्तांतरीत केल्ले अशें पुलिसांच्या कागाळींत म्हणलां. लंडनांतले एके कंपनी वांगडा आर्बिटेशन प्रक्रियेंत मजत करुन पयशे परत मेळोवन दिवपाचें उतर दोनूय दुबावीतांनी उल्लेख केल्ल्या वेवसायिकाक दिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
