भांगरभूंय | प्रतिनिधी
मुंबय, खबरां संस्था: हेर राज्यांनी काम करप्यांची चवथी खातीर गांवांनी वचपा खातीर खटपटी सुरू आसात. ह्या काळांत रेल्वेचें कन्फर्म तिकीट मेळट खूब कठीण आसता. मात आतां रेल्वे प्रशासनान गोंयां तशेंच कोंकणा भायर रावपी लोकांक थाकाय जाल्या. २९ ऑगस्ट म्हळ्यार आयच्यान मडगांव-वांद्रे टर्मिनस-मडगांव ही एक्स्प्रेस धांवतली. बोरीवली रेल्वे स्टेशनार हे गाडयेक पाचवो बावटो दाखयतले. ताका लागून वसई-विरार, बोरीवलीच्या प्रवाशांक व्हड थाकाय मेळटली.
कोंकणांत वचपा खातीर पश्चीम रेल्वेचेर प्रवाशांक सीएसएमटी वा एलटीटी वेल्यान ट्रेन धरची पडटा. ताका लागून बोरीवली स्टेशनांतल्यान कोंकणांत वचपा खातीर ट्रेन सोडची, अशी मागणी जाताली. खासदार पियुष गोयल हांणीय लोकसभा वेंचणुकेच्या प्रचारा मजगतीं केंद्रीय रेल्वेमंत्री अश्निनी वैष्णव हांचे हाजेरींत बोरीवलीच्यान वसई मार्गान कोंकणांत गाडयो सोडच्यो, अशें म्हणिल्लें.
एक सप्तका उपरांत चवथ. ताचे पयलींच बोरीवलीच्यान वसई मार्गान गाडी सोडटले. आयज १२.५० मिनिटांनी बोरीवली रेल्वे स्टेशनांतल्यान ही गाडी सुट्टली. सप्तकांतल्यान दोन खेपो ही गाडी धांवतली. पयलींच वसई-पनवेल ह्या कॉरीडॉरचो वापर करुन वांद्रे-टर्मिनस ते मडगांव एक्स्प्रेस सुरू करता.
एक्स्प्रेसचो वेळ
वांद्रें टर्मिनस वेल्यान ही एक्स्प्रेस सकाळचीं ६ जावन ५० मिनिटांनी सुट्टली उपरांत ती गोंयांत मडगांवा रेल्वे स्टेशनाचेर रातच्या १० वरांचेर पावतली. मडगांवच्यान परत वांद्रे टर्मिनस खातीर ही गाडी सकाळीं ७ जावन ४० मिनिटांनी सुट्टली. रातची ११ जावन ४० मिनटांनी पावतली. हे गाडयेक २० डबे आसतले. तातूंत सेकंड स्लीपर ८ डबे, थ्री टायर एसीचे ३ डबे, थ्री टायर एसी इकॉनॉमीचे २ डबे, टू टायर एसीचा १ डबो, जनरल ४ डबे, एसएलआर-१, पँट्री कार-१, जनरेटर कार-१ हांचो आसपाव आसा. ही गाडी सप्तकांतल्यान दोन दीस म्हळ्यार मंगळार आनी बिरेस्तारा मडगांवच्या आनी बुधवार आनी शुक्रारा वांद्रे हांगच्यान सुट्टली.
गाडी खंयच्या रेल्वे स्टेशनांचेर रावतली
वांद्रे मडगांव एक्स्प्रेसला बोरिवली, वसई, भिवंडी, पनवेल, रोहा, वीर, चिपळूण, रत्नागिरी, कणकवली, सिंधुदुर्ग, सावंतवाडी, थिवी आनी करमळी ह्या रेल्वे स्टेशनांचेर रावतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
