भांगरभूंय | प्रतिनिधी
-समाज कल्याण खात्याचे नवे येवजणेक मंत्रीमंडळाची मान्यतायपणजीः राज्य मंत्रीमंडळान बिरेस्तारा जाल्ले बसकेंत वर्सुकीं 30 लाख रुपयांची अर्थीक मजत दिवपाक मान्यताय दिल्या. मंत्रीमंडळ बसके उपरांत उलयतना मुख्यमंत्री डॉ. प्रमोद सावंत हांणी हे विशीं म्हायती दिली.
कांय कुटुंबां आल्झायमर, पार्किन्सन, कॅन्सर, ब्रेन स्ट्रोक आदीं दुयेंसांनी ग्रस्त आशिल्ल्या ज्येश्ठ नागरिकांची जतनाय घेवपाक तयार नासतात. अशा दुयेंतींक तांचे कडल्यान एनजीओंत दवरतात. अशा दुयेंतींची जतनाय घेवपी संस्थांक दर म्हयन्याक सरकारा कडल्यान 2.50 लाख रुपया दिवन दुयेंतींचेर उपचार करपी दोतोरां खातीर 60 हजार, वैजकी आनी पॅरा वैजकी कर्मचाऱ्यां खातीर एक लाख रुपया, प्रशासकीय वेवस्थे खातीर पांच हजार रुपया, वैजकी साहित्या खातीर 35 हजार रुपया आनी जेवण आनी रावपा खातीर 50 हजार रुपया खर्च करपाक मेळटले. उण्यांत उणे 20 दुयेंती आशिल्ल्या संस्थांक आनी संघटणांक सरकारा कडल्यान अर्थीक मजत मेळटली. ते खातीर तांकां सोसायटी नोंदणी कायदो, 1860 खाला नोंदणी करची पडटली असो उल्लेख येवजणेंत केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
