भांगरभूंय | प्रतिनिधी
शिवोली: चवथीच्या उत्सवांत घरा कणकणीं आरती सादर करतात. अशा वेळार आरती सादर करीत आशिल्ल्या मंडळां मदीं घरांतल्या एका तरी मनशाचो आस्पाव आसत जाल्यार खोशयेंत आनीक उमेद येता. ह्याच हेतान घुमट वादन प्रशिक्षण कार्यशाळेचें आयोजन करतात. सगल्यांनी ताचो लाव घेवचो अशें आवाहन शिवोलीच्यो आमदार डिलायला लोबो हांणी केलें.
सडयें पंचायत सभाघरांत घुमट वादन प्रशिक्षण कार्यशाळेचो शुभारंभ आमदारांचे हाजिरेंत केलो.
ह्या वेळार सरपंच दीपा पेडणेंकार, उपसरपंच निलेश वायंगणकार, पंच वांगडी सचीन मांद्रेंकार, शीला शिरोडकार, ओमकार हरमलकार, समाजसेवक मोहीत चोपडेंकार, कला आनी संस्कृती खात्याचे अधिकारी मंगलदास मांद्रेंकार, मंजुषा कोरगांवकार, घुमट प्रशिक्षक केतन साळगांवकार, मनोज हळदणकार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
