भांगरभूंय | प्रतिनिधी
मालवण, खबरां संस्था: मालवणच्या राजकोट किल्ल्यावेलो छत्रपती शिवरायांचो पुतळो कोसळिल्ले घडणुकेचे फाटभूंयेर आयज मालवण शारांत महाविकास आघाडी वतीन निषेध मोर्चा काडटले. ताका लागून मालवण बंदचो उलो मारला. ह्या मालवण बंदांत जायते वेपारी, दुकानदार, वेवसायिकांनी वांटो घेतलो आनी आपलीं दुकानां बंद दवरलीं.
निशेध मोर्चांत युवसेना मुखेली आदित्य ठाकरे, विधानसभा विरोधी पक्ष फुडारी विजय वडेट्टीवार, विधान परिशद विरोधी पक्ष फुडारी अंबादास दानवे, जयंत पाटील, आदले खासदार विनायक राऊत, वैभव नायक हांचे सयत महाविकास आघाडींतले घटक पक्षांचे जायते फुडारी, पदाधिकारी, कार्यकर्ते आनी शिवप्रेमी वांटो घेतले.
ह्या मोर्चाच्या निमतान पुलीस यंत्रणां सज्ज जाल्यांत. उपविभागीय पुलीस अधिकारी विजय कांबळे हांच्या नेतृत्वा खाला १७ पुलीस अधिकारी, ५७ अंमलदार, २ दंगल नियंत्रण पंगड तैनात केल्यात. तरी शिवप्रेमी, नागरिकांनी शांतीकायेन मोर्चा काडून पुलिसांक सहकार्य करपाचो उलो मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
