भांगरभूंय | प्रतिनिधी
४० मिनिटांनी निकाल दितलें
नवी दिल्ली, खबरां संस्था: संवसारीक भलायकी संघटणेन (डब्ल्यूएचओ) १४ ऑगस्टाक मंकीपॉक्स ही संवसारीक भौशीक भलायकी आणीबाणी म्हूण जाहीर केल्या. दोन वर्सांत ही दुसरी खेपे भलायकी आणीबाणी जाहीर जाल्या. ह्या व्हायरसाची नवी जात (क्लॅड-१) आदले जाती परस चड खर आशिल्ल्यान हातूंत मरण येवपाचें प्रमाण चड आसता.
मंकीपॉक्स भौशीक आणीबाणी जाहीर केल्या उपरांत १५ दिसां भितर भारतान संसर्गाची चांचणी करपा खातीर आरटी-पीसीआर किट तयार केली. ह्या किटाचें नांव IMDX मंकीपॉक्स डिटेक्शन RT-PCR Assay अशें आसा आनी तें Siemens Healthineers कंपनीन तयार केलां.
कंपनीच्या म्हणण्या प्रमाण ह्या किटांतल्यान मेळिल्ले चांचणेचे निकाल फक्त ४० मिनटांनी मेळटले. ह्या किटाक ICMR-नॅशनल इन्स्टिट्यूट ऑफ व्हायरोलॉजी, पुणे कडल्यान क्लिनीकल मान्यताय मेळ्ळ्या. सेंट्रल ड्रग्ज स्टँडर्ड कंट्रोल ऑर्गनायझेशनान (सीडीएससीओ) ही किट तयार करपाक मान्यताय दिल्या.
ही किट रोखडीच परिणाम दितली
सीमेंस हेल्थकेअर प्रायव्हेट लिमिटेडचे वेवस्थापकीय संचालक हरिहरन सुब्रमण्यम हांणी सांगलें, अचूक आनी अचूक निदानाची गरज आयच्या परस चड म्हत्वाची केन्नाच जावंक ना. ही किट फकत ४० मिनटांनी परिणाम दितली. जी परंपरीक पद्दती परस खूब बेगीन आसा. हाचो १-२ वरां भितर परिणाम दिसतलो.
ह्या किटाच्या आदारान मंकीपॉक्स सोदून काडपाक लागपी वेळ उणो जातलो, जाका लागून उपचारूय बेगीन जातले. IMDX मंकीपॉक्स RTPCR कीट भारतीय वैधानीक मार्गदर्शक तत्त्वां प्रमाण आनी संवसारीक मानकां प्रमाण तयार करतात.
वडोदरा युनिटची एका वर्सान १० लाख किट्स करपाची तांक
सीमेन्स हेल्थकेअर प्रायव्हेट लिमिटेडान म्हणलां, हो RT-PCR किट वडोदराचे कंपनीच्या मॉलिक्युलर डायग्नोस्टिक्स मॅन्युफॅक्चरींग युनिटांत तयार करतले. ह्या युनिटाची एका वर्सांत १० लाख किट्स करपाची तांक आसा. हे आरटी- पीसीआर किट दिवपा खातीर कारखानो तयार आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
