भांगरभूंय | प्रतिनिधी
दिवचल म्हालांत 4, फोंडें म्हालांतल्या 3 शाळांचो आस्पाव
पणजी: अंदूंच्या शिक्षणीक वर्सांत गोंयांतल्यो सात मराठी सरकारी मुळाव्यो शाळा बंद पडल्यात. तातूंत दिवचल म्हालांत चार जाल्यार फोंडें म्हालांतल्या तीन शाळांचो आस्पाव आसा. शिक्षण संाचलक शैलेश झिंगडे हांणी हे विशींचो आदेश जारी केलो.
चालू शिक्षणीक वर्सांत 698 पैकीं 38 शाळांनी शुन्य विद्यार्थी संख्या आशिल्ल्याची म्हायती मुख्यमंत्री डॉ. प्रमोद सावंत हांणी हालींच जाल्ल्या पावसाळी अधिवेशनांत लेखी प्रस्नाचे जापेंतल्यान दिल्ली. ह्या 38 मदल्या सात मराठी सरकारी मुळाव्यो शाळा बंद पडिल्ल्याचें संचालक झिंगडे हांणी आदेशांत म्हणलां. अंदूं सात शाळा बंद पडिल्ल्यान राज्यांतल्या 691 सरकारी मुळाव्यो शाळा अंदूंच्या शिक्षणीक वर्सांत सुरू आसतल्यो.
गांवगिर्या वाठारांत चडांत चड विद्यार्थ्यांनी सरकारी मुळाव्या शाळांनी प्रवेश घेवचो, हे खातीर राज्य सरकाराचे यत्न सुरू आसात. पूण पालक आनी विद्यार्थ्यांची ओड खाजगी शाळां कडेन वाडत आशिल्ल्यान सरकारी मुळाव्या शाळांतल्या विद्यार्थ्यांची संख्या गतीन उणी जावन त्यो बंद पडपाचें प्रमाण वाडत आशिल्ल्याचें दरेक वर्सा दिसून येता.
बंद पडिल्ल्यो शाळा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
