भांगरभूंय | प्रतिनिधी
फोंडें, प्रतिनिधी : आगलोत – साकोड्ड्यां सर्वे क्रमांक ११४/१ हे सरकारी जमनीचेर बेकायदेशीरपणान चिरे खण सुरु करून सुमार ३० लाख रुपयांची मालमत्ता चोरी केल्ल्याचें खण खात्याचे अधिकारी सुरज कळंगुटकार हांणी सोमारा रातीं दिली. ते प्रमाण कुळें पुलिसांनी अनवळख्या आड गुन्यांव नोंद केला.
सोमारा दनपरां खण अधिकार्यांनी बेकायदेशीर चिरे खणीचेर छापो घातिल्लो. तेन्ना अधिकार्यांक एकूय मशीन मेळूंक ना. पंचनामो केले उपरांत अधिकार्यांनी कुळे पुलीस स्टेशनांत वचून अनवळख्या आड कागाळ दाखल केल्ली. कुळे पुलिसांनी सोमारा रातीं उसरां अनवळख्या आड गुन्यांव नोंद केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
