भांगरभूंय | प्रतिनिधी
हरमनप्रीत कौर पंगडाची कॅप्टन
नवी दिल्ली, खबरां संस्था: ऑक्टोबरांत जावपी बायलां टी-२० वर्ल्ड कप २०२४ खातीर बीसीसीआयन आपलो पंगड जाहीर केला. ह्या पंगडाची कॅप्टनशीप अणभवी खेळगडी हरमनप्रीत कौर हिका दिल्या. हाचे वांगडा अणभव आशिल्ल्या खेळगड्यां वांगडाच तरणाट्या खेळगड्यांकय टीम इंडियांत संद मेळ्ळ्या. स्मृती मानधना आनी शफाली वर्मा हांचो आस्पाव टीम इंडियांत आसा.
बायलांच्या टी-२० वर्ल्ड कप २०२४क ३ ऑक्टोबर सावन सुरवात जाता. भारताची पयली मॅच न्यूझीलंडाच्या बायलां पंगडा आड आसा. ही मॅच ४ ऑक्टोबराक जातली. ही सर्त युएईंत जातली.
भारतान कॅप्टनशीप हरमनप्रीत कौर हिचे कडेन दिल्या. टीम इंडियान स्मृती मानधना, शफाली वर्मा आनी दीप्ती शर्मा हांकां संद दिल्या. तांचे वांगडा जेमिमाह रॉड्रिग्ज, रिचा घोष आनी यष्टिका भाटिया हांकांय संद मेळ्ळ्या. पूजा वस्त्राकर, रेणुका सिंह, हेमलता, शोभना आनी राधा यादव हांकांय संद दिल्या.
हे सर्तींत भारताची पयली मॅच न्यूझीलंड आड जातली. ही मॅच दुबयंत जातली. टीम इंडिया वट्ट ४ गट मॅची खेळटली. हातूंतल्यो ३ मॅची दुबयंत आनी एक मॅच शारजाह हांगा जातली. ६ ऑक्टोबराक भारत, पाकिस्ताना आड खेळटलो
भारत आनी पाकिस्तान हांचे मदल्या मॅचीची लोक वाट पळयतात. ६ ऑक्टोबराक भारताची टीम पाकिस्ताना आड खेळटली. ही मॅच दुबयंत जातली. टीम इंडियाची निमाणी गट मॅच ऑस्ट्रेलिये आड जातली. जी १३ ऑक्टोबराक शारजा हांगा खेळटले. आनी ताचे आदीं श्रीलंके आड मॅच जातली. ही मॅच ९ ऑक्टोबराक जातली.
आयसीसीस बायलां टी-२० वर्ल्ड कप २०२४ खातीर भारताचो संघ : हरमनप्रीत कौर (कॅप्टन), स्मृती मानधना (वाय्स कॅप्टन), शफाली वर्मा, दीप्ती शर्मा, जेमिमाह रॉड्रिग्स, ऋचा घोष (बॉलर), यास्तिका भाटिया (विकेटकीपर), पूजा वस्त्राकर, अरुंधा रेड्डी , रेणुका सिंह ठाकूर, दयालन हेमलता, आशा शोभना, राधा यादव, श्रेयंका पाटील, सजना सजीवन
राखीव खेळगडे : उमा छेत्री, तनुजा कंवर आनी सायमा ठाकोर
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
