भांगरभूंय | प्रतिनिधी
नवी दिल्ली, खबरां संस्था: टेलिग्राम हें भारतांतलें एक लोकप्रीय मॅसेजींग अॅप. टेलिग्राम वापरप्यांचो आंकडो व्हड आसा. मात आतां टेलिग्राम अॅपाचेर भारतांत बंदी घालूं येता. मजगतीं, टेलिग्राम अॅपाचेर वेगवेगळे आरोप जाल्यात. हाचे वांगडाच हालींच्या काळांत पेपर लीक जाल्ल्यान टेलिग्राम अॅपाचें नांवूय भायर आयलां. तशेंच टेलिग्रामाचेर खंडणी, जुगार सारक्या गुन्यांवकारी वावराक चालना दिवपाचो आरोप आसा. मजगतीं, पेपर लीक प्रस्नांत सरकाराक खूब त्रास सोंसचे पडल्यात, कारण विरोधकांनी पेपर लीक करपाचो प्रस्न करून सरकाराक सांपडपाचो यत्न केलो. अशे परिस्थितींत पेपर फुटी केस आनी टेलिग्राम हांचे मदलो संबंद उजवाडाक आयला. देखून आतां केंद्र सरकारान टेलिग्रामाची चवकशी सुरू केल्या.
टेलिग्रामाच्या संस्थापकाक अटक
फ्रान्सच्या पॅरिस एयरपोर्ट वेल्यान टेलिग्रामचे संस्थापक आनी सीईओ पावेल ड्युरोव हांकां अटक केली. तांचेर मनी लॉंड्रिंग आनी घुंवळे वखदांचे तस्करी खातीर टेलिग्रामाचो वापर केल्ल्याचो आरोप आसा. मिडिया रिपोर्टा प्रमाण फ्रान्स आनी रशियेचें दोट्टी नागरिकत्व आशिल्ले ३९ वर्सां पिरायेचे ड्युरोव अझरबायजान हांगच्यान फ्रान्सांत देंवले उपरांत पॅरिस- ले बोर्जेट विमानतळार तांकां ताब्यांत घेतले. भारतांतूय इन्स्टंट मेसेजिंग सर्व्हिस- टेलिग्रामचें नांव खुबश्या गुन्यांवकारी प्रकरणांत मुखार आयलां.
टेलिग्राम आनी पेपर लीक प्रकरणाचें कनेक्शन कितें?
मनिकंट्रोलच्या अहवाला प्रमाण, भारत सरकारन टेलिग्रामची चवकशी सुरू केली. तपासांत आरोप खरे थारले जाल्यार सरकार टेलिग्राम पवर बंदी घालपाक शकता. सरकार जायत्या प्रकरणांनी टेलिग्रामची चवकशी करता. हालींच UGC-NEET वादांत सरकार त्रासांत पडलां. ह्या वैजकी प्रवेश परीक्षेच्या पेपर लिंकांत टेलिग्रामच्या वांट्या विशीं सरकारान चवकशी सुरू केली. टेलिग्राम अॅपा वरवीं नीट परीक्षेचे पेपर ५,००० ते १०,००० रुपयां मेरेन विकिल्ल्याचो आरोप आसा. इतलेंच न्हय टेलिग्रामाचेर दिकाभूल करपी बातम्यो पातळिल्ल्याचो आरोप केला.
टेलीग्राम ऍप्लिकेशना वरवीं गुन्यांवकारी
२४ जुलय: सिक्युरिटीज अँड एक्स्चेंज बोर्ड ऑफ इंडियान टेलिग्रामा वरवीं चलयिल्लें स्टॉक प्रायज रिगिंग रॅकेट उक्ताडार आयिल्लें.
३ मे : भोपाळाक दोगां थळाव्या दोतोरांक ३८ लाख रुपयांची तोपी घातिल्ल्यांक अटक. हातूंत ह्या लोकांनी टेलिग्रामाचो वापर केल्लो.
१९ जून २०२३ जावपी UGC-NEET परीक्षा: टेलिग्रामार हे परिक्षेचो पेपर लीक जाल्ल्यान एका दिसा उपरांत परिक्षा रद्द केली. हे समस्येचेर लक्ष दितना केंद्रीय शिक्षण मंत्री धर्मेंद्र प्रधान हांणी, आमी मूळ UGC-NEET प्रस्न टेलिग्रामावेल्या प्रस्नां कडेन जुळोवन पळयले आनी ते तश्याक तश्शे जुळ्ळे.
३ मे, २०२३ दिसा खुबश्या NEET-UG अर्जदारांक परीक्षेच्या एका दिसा पयलीं वैजकी प्रवेश परीक्षेच्या पेपराच्यो कांय प्रती मेळ्ळ्यो. उपरांत देशभरांत वाद निर्माण जाल्लो. मजगतीं, आयटी मंत्रालयान एमएचए कडल्यान अहवाल मागयला.
मजगतीं, टेलिग्रामाचे मुखेली पावेल दुरोव हांकां फ्रान्सांत अटक केल्या उपरांत म्हायती आनी तंत्रज्ञान मंत्रालयानं (आयटी) गृह मंत्रालया कडल्यान म्हायती मागयल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
