भांगरभूंय | प्रतिनिधी
आंध्रप्रदेशांतल्या तिरुपती देवळांत सद्दां लाखांनी भक्त भेट दितात. देवस्थानाक कोट्यांनी रुपयांचें दान करतात. हालींच पीटीआय खबरां संस्थेन एक व्हिडियो घाला, तो व्हायरल जाला. तातूंत एक कुटुंब भांगरां- शिंगरां घालून देवळांत दर्शनाक गेल्ल्याचें दिसता. हें कुटुंब पुण्यांतलें अशें त्या पोस्टांत म्हणलां.
तांच्या आंगाचेर २५ कील भांगराच्यो वस्ती आसात. ते कुटुंब तिरुपती बालाजीच्या दर्शनाक आयलां. दोन दादले, एक बायल आनी एक भुरगें दिसता. तांच्या आंगा वयलें भांगर सादारण १८ कोटी रुपयांचें आसा, अशी खबर आसा. ह्या कुटुंबा वांगडा दोन सुरक्षारक्षकूय आसात. तशेंच एक पुलिसूय दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
