भाजपाच्या मुख्यालय इमारतीचो आयज देवेंद्र फडणवीस हांचे हस्तुकीं बुन्यादी फातर

भांगरभूंय | प्रतिनिधी

-राष्ट्रीय अध्यक्ष जे. पी. नड्डा हांची गोंय भेट रद्दपणजी : महाराष्ट्राचे उपमुख्यमंंत्री देवेंंद्र फडणवीस हे आयज सांंजे 4 वरांचेर भारतीय जनता पक्षाच्या मुख्यालय इमारतीचो बुन्यादी फातर बसयतलें. ह्या वेळार राज्याचे मुख्यमंंत्री डॉ. प्रमोद सावंत, प्रदेश भाजप अध्यक्ष सदानंंद शेट तानावडे, मंत्री तशेंच आमदार हाजीर आसतले. पणजी – पोरणें गोंय बायपास रस्त्या कुशीक चिंंबला भाजप मुख्यालयाची इमारत जातली.

प्रदेश भाजप अध्यक्ष सदानंंद शेट तानावडे हांणी पत्रकार परिशदेंंत ही म्हायती दिली. ह्या वेळार मुरगांवचे आमदार संंकल्प आमोणकार, आदले खासदार अॅड. नरेंंद्र सावयकार, दामू नायक आनी सिद्धार्थ कुंंकळ्येकार हाजीर आशिल्ले.

भाजप इमारतीचो बुन्यादी फातर बसोवपा खातीर राष्ट्रीय अध्यक्ष आनी केंंद्रीय मंंत्री जे. पी. नड्डा हे आयज गोयांंत येवपाचे आसले. कांय कारणाक लागून तांंची गोंंय भेट रद्द जाल्या. जे. पी. नड्डा हांचे हस्तुकीं आयज सकाळीं 11 वराचेर बुन्यादी फातर बसोवपाची कार्यावळ जावपाची आसली. आतां ती सांंजे जातली.

सांंजे 4 वरांचेर बुन्यादी फातर बसयले उपरांंत ताळगांवां कम्युनिटी सभाघरात जाहीर कार्यावळ जातली. हे कार्यावळींत केंंद्रीय मंंत्री श्रीपाद नायक, प्रदेश भाजप अध्यक्ष सदानंंद शेट तानावडे, मुख्यमंंत्री डॉ. प्रमोद सावंंत आनी महाराष्ट्राचे उपमुख्यमंंत्री देवेंद्र फडणवीस हांंची भाशणा जातली. हे कार्यावळीक राज्यांतले भाजप कार्यकर्ते हाजीर आसतले.