भांगरभूंय | प्रतिनिधी
म्हापशें, प्रतिनिधी ः कळंगुटेच्या नायकवाडो फ्लॅटांत करासवाडो- म्हापशेंच्या एके जाण्टे बायलेची दुबावीत अवस्थेंत कुड मेळ्ळी. हे बायलेचें नांव दिओदिता फर्नांडिस (64) अशें आसा. हे बायलेचो मोबायल फोन आनी पर्स गायब आसा तशेंच फ्लॅटाक भायल्यान लॉक लायिल्ले आसा. देखून हो खून आशिल्ल्याचो दुबाव आसा.
ही घडणूक शुक्रारा दनपारां 1.30 वरांचे सुमाराक उजवाडाक आयली. मेल्ली दिओदिता ही बिरेस्तारा दनपारां नायकावाडो- कळंगुटेच्या बेन्सन इमारतीच्या तिसऱ्या माळ्यार आशिल्ल्या आपल्या फ्लॅटांत आयल्ली. ह्या फ्लॅटाचें रंगीत काम करपाचे हातांत घेतिल्ले. रातच्या वेळार उसरां मेरेन दिओदिता घरा पावूंक ना. तशेंच तिचो फोन लागनाशिल्ल्यान तिच्या भयणीन उल्लेख केल्ल्या फ्लॅटाच्या काळजीदाराक हे विशीं म्हायती दिली. तेन्ना रातच्या वेळार उसरां ते फ्लॅटांत पावले. तेन्ना फ्लॅटाचें दाराक लॉक आशिल्लें.
उपरांत तांणी डुप्लीकेट चावी वापरून फ्लॅट उगडलो तेन्ना मेल्ली दिओदिता डायनिंग हॉलांत मेल्ली पडिल्ली. इमारतींतल्या लोकांनी पुलिसांच्या पीसीआर कडेन संपर्क करुन घडणुकेची म्हायती दिली. दिओदिताची पर्स आनी तिचो मोबायल फोन गायब आशिल्लो. ही म्हायती मेळटकच कळंगुटे पुलीस निरिक्षक परेश नायक, उपनिरिक्षक परेश सिनारी, किरण नायक आपल्या वांगड्या सयत घडणुक सुवातेर धांवले. पंचनामो करून मेल्ल्या बायलेची कूड पोस्टमार्टमा खातीर जीएमसीत धाडली.
पोस्टमार्टमा उपरांत मरण आयिल्ल्याचे कारण स्पश्ट जातलें. पुलिसांनी हे प्रकरण असैमिक मरण म्हूण नोंद केला. मजगतीं, दिओदिता फर्नांडीस हांकां कॅन्सर आशिल्लो. कळंगुटे पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
