भांगरभूंय | प्रतिनिधी
फोंडें, प्रतिनिधी ः कोने-प्रियोळ मार्गाचेर कोसळिल्लें पालसण कुशीक काडपाचें काम सुरु. फोंडें-पणजे मार्गावेली येरादारी गोंय अभियांत्रिकी म्हाविद्यालया लागसारच्यान वळयली.
कोने-प्रियोळ कांय दिसां आदीं कोसळिल्लें पालसण कुशीक काडपाचें काम शुक्रारा सकाळीं सुरु केलें. ताका लागून फोंडें – पणजे मार्गांवेली येरादारी फर्मागुडी हांगाच्या गोंय अभियांत्रिकी म्हाविद्यालया लागसारच्यान वळयली. राष्ट्रीय म्हामार्ग येरादारी खातीर बंद आशिल्ल्यान रस्त्याच्या दोनूय वटांनी जड वाहनां आडायलीं.
कांय दिसां आदीं कोने-प्रियोळ उटंगाराच्या पावसाक लागून पालसण कोसळिल्लें. शुक्रारा बांदकाम खात्यान धोक्याचे अवस्थेंत आशिल्ले फातर आनी झाडां कुशीक काडली. तशेंच बायथाखोल-बोरी वाठारांतलीं धोक्याचे स्थितीत आशिल्लीं झाडां बांदकाम खात्यान काडलीं. देखून पालसण कोसळपाचो धोको आतां उणो जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
