भांगरभूंय | प्रतिनिधी
पर्यावरणाक सगळ्यांत व्हडले वायट म्हणल्यार ‘दुसरो कोण तरी ताका वाचयतलो’, हो समज. हे आमचें मत बदलूंक आमी वावुरपाक जाय. हेंच मतींत धरून दोनापावलाच्या अवर लेडी ऑफ द रोझरी हायर सेकंडरी स्कुलान ‘वसुंधरा’ इको क्लबाची स्थापणूक केली.
समारंभाची सुरवात सैमा खातीर एक मागणे करून जाली. उपरांत, मुखेल सोयरी सिस्टर ब्रीइजेज डिसोजा, प्राचार्य सिस्टर मनीशा परमार, शिक्षक सुजाता नायक, सदस्य टिचर प्रेडरीका कुयेलो आनी विद्यार्थी अध्यक्ष दिर्ती कुडणेंकार हांणी परंपरीक दिवो पेटयलो.
इको क्लबाची मुखेली मनीशा परमार हांणी वसुंधरा इको क्लबाचो हेतू सांगलो. आमच्या आनी आमच्या फुडारा खातीर धर्तरी सांबाळपाची जबाबदारी आमचीच, हे विशीं तांणी आमकां मोलादीक मार्गदर्शन केलें.
फाटल्या वर्सा आमच्या इको क्लबान खुब कार्यावळी केल्ल्यो. सुप्रभा शिरोडकार हांणी हे कार्यावळीचो नियाळ वाचलो. आमी पोरूं ‘सिड बॉम्ब’ केल्ले, किचन वेस्टा पसून आमी गांयडोळ सारें तयार केल्लें. ‘सिड बॉम्ब’ हें एक खूब म्हत्वाचें काम. आमची धर्तरी आनीक पाचवीचार आनी झाडांनी भरिल्ली करूंक ‘कम्पोस्ट’ हातून आमी जो कोयर करतात, ताचे पसून आमच्या झाडांक बरें सारे मेळटा. आमच्या शाळेच्या भुरग्यांक ‘नेचर ट्रेलीक’ बांबोळी, कुडका आनी शिरदोन ह्या गांवांनी व्हेली. थंय भुरग्यांनी ‘सिड बॉम्ब’ उडयले. ताचे पसून एक दीस व्हडलें झाड जातलें आनी आमकां फळां दितलें. भुरग्यांनी ‘किचन गार्डन’ केलां. हांतून तांणी जें सारे केल्लें ताचो उपेग करून मिरसांगो, कोथमीर, अश्यो भाजयो रोंयल्यात. एक पोस्टर मेकींग आनी डाॅक्युमेटरी व्हिडीयो मेकिंग सर्त आसली. ह्या दोनूय सर्तीक बरो प्रतिसाद मेळ्ळो. नियाळा फाटल्यान फ्रेडरिका हांणी आमकां शाळेंत इको क्लब आसपाचें म्हत्व तशेंच पर्यावरणाच्या प्रवासांतल्या संवादांत दरेकल्याचो वांटो घेवपाचें म्हत्व सांगून कार्यावळी घेवपाक प्रोत्साहन दिलें. सुजाता नायक हांणी ह्या वर्सा 2024- 25 हाचो ‘अॅक्शन प्लॅन’ वाचलो. जंय तिणें आमी ह्या वर्सा करतलीं त्या कार्यावळीं विशीं सांगलें
आमची मुखेल सोयरी सिस्टर ब्रिझेंट डिसोजा हांणी भुरग्यांक उर्बा दिली. विद्यार्थी अध्यक्ष दिती कुडणेंकार हांणी उपकार मानले.
पर्यावरण सांबाळप ही एक यात्रा कशी. आमी आमचे फुडल्या पिळगेक बरो संवसार दिवपाक जाय’. अशे तरेन आमची कार्यावळ सोंपयली.
– आलिया गोन्साल्वीस
यत्ता बारावी विज्ञान
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
