भांगरभूंय | प्रतिनिधी
व्हेन्झी व्हिएगशः ठोस स्पश्टीकरण दिवपाची मागणी
भांगरभूंय । प्रतिनिधी
फोंडें: धारबांदोडें पंचायत वाठारांत मुख्यमंत्र्यांच्या नांवाचो वापर करून दोंगर कापणी करून प्लॉट विकपाचो वेवसाय तेजींत आयला. गोंयांत विवीध वाठारांनी चालू आशिल्ले दोंगर कापणीची पळोवणी करून सरकाराचे नदरेक हाडून दितले. मुख्यमंत्री डॉ. प्रमोद सावंत हांणी धारबांदोडें पंचाय वाठारांतले दोंगर कापणी संबंदांत ठोस स्पश्टीकरण दिवपाची मागणी आम आदमी पक्षाचे आमदार व्हेन्झी व्हिएगश हांणी केल्या.
आमदार व्हिएगश हांणी बुधवारा दनपारां धुल्लईच्या सर्वे नं 157/1 आनी प्रतापनगरांतले सर्वे नं. 142/1 हे जमनीचेर जाल्ले दोंगर कापणीची पळोवणी केली. मुख्यमंत्री डॉ. प्रमोद सावंत हांणी विधानसभा अधिवेशनांत दोंगर कापणी प्रकरण उजवाडाक आयले उपरांत पंचायत कार्यालयांतल्या तलाठ्यांचेर कारवाय करपाचें आस्वासन दिल्लें, पूण दोंगर कापणी केल्ल्याची बातमी उजवाडाक हाडपी पत्रकाराच्या ग-हरक्षक आशिल्ले घरकान्नीचे बदलीचो आदेश दिलो. ताका लागून दोंगर कापणी प्रकरणांत घुस्पल्ले मनीस मेकळेपणान भोंवतात. कारण मुख्यमंत्री डॉ. सावंत हांच्या नांवाचो वापर करून दोंगर कापणी चल्ल्या, अशे लोक उलयतात. दोंगर कापणीक लागून भाजप सोंपतलो, अशें व्हिएगश हांणी सांगलें.
‘दोंगर कापणी आड लोकांनी फुडें सरचें’
दोंगर कापणी आड लोकांनी फुडें सरपाची गरज आसा, ना जाल्यार फुडारांत सैमाचे लुकसाण निश्चीत आसा. पत्रकाराचे गृहरक्षक आशिल्ले घरकान्नीची बदली केल्या, हे खातीर आम आदमी पक्ष सरकाराचो निशेध करता, अशें आमदार व्हेन्झी व्हिएगश हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
