भांगरभूंय | प्रतिनिधी
फोंडें, प्रतिनिधी ः हांगाच्या राजीव गांधी कला मंदीर आयोजीत 16 वी अखिल गोंय बायलां फुगडी सर्तीची पयली फेरी 14 ते 20 ऑक्टोबराक घेतले. अशी म्हायती वांगडी सचीव स्वाती दळवी हांणी पत्रकार परिशदेंत दिल्या.
फुगडी सर्तींत गोंयच्या खंयच्याय बायलां पंगडाक निर्धारीत नमुन्यान प्रवेश अर्ज भरून हे सर्तींत वांटो घेवपाक मेळटलो. पयले फेरींत पयलो येवप्याक पयलो प्रवेश दितले. पयल्या 120 पंगडांक प्रवेश दितले. ता. 23 ऑगस्ट ते 24 सप्टेंबर ह्या काळांत हे सर्ती खातीर अर्ज राजीव गांधी कला मंदीर, फोंडें हांगा उपलब्ध आसतले. 3 ऑक्टोबराक सांजेवेळार 4 वरां मेरेन अर्ज स्विकारतले.
सर्तीच्या निमाण्या फेरयेंत जिखपी पंगडाक 40 हजार रुपया आनी घोळटी ट्रॉफी, उपविजेत्या पंगडाक 35 हजार रुपया, तिसरे येवपी पंगडाक 30 हजार रुपया इनामा आसा. तशेंच उमेद वाडोवपी पयलें इनाम 15 हजार रुपया. दुसरें 12 हजार रु. तिसरें 10 हजार रुपया आसा. ते भायर उत्कृश्ट गायन पंगड पयलें 5 हजार रुपया, दुसरें 3 हजार रुपया आनी तिसरें 2 हजार रुपया दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
